E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Kolegia e Doktorit

16 Shtator 2021, 07:34, Politikë CNA

Dje pas një jave tensioni, dhe situate krejtësisht të paparë në këto 30 vite në historinë e Partisë Demokratike, doli dhe foli Grida Duma.

Me të njëjtën fjali, si disa nga kolegët e saj në drejtimin e PD-së aktuale, Duma tha se “Basha ishte i detyruar, se ishte vendim lidershipi, Amerika ka të drejtë, Berisha është historia”, dhe në finale nuk tha asgjë. Dy përjashtime dhe një histori ku lidhen?

Pra, edhe amerikanët që kanë shpallur non-grata Berishën, edhe Berisha ka të drejtë, edhe Lulzim Basha ka të drejtë që ndëshkon Berishën.

Se ku bashkohen këto të treja, si lidershipi i Lulzim Bashës, këtë e shpjegon vetëm Grida Duma.

Por, gjithësesi kjo nuk ka vlerë. Më e rëndësishmja nga të gjitha është se u shfaq kolegia e Doktorit.

Kujtojmë këtu para disa vitesh, një dalje publike e Grida Dumës, e cila tha ?Nuk i komentoj kolegët?, duke iu drejtuar kështu ish-kryeministrit Sali Berisha, dhe ish-presidentit të Shqipërisë.

Pati një reagim në rrjet. U duk qesharake. Ku Berisha, e ku Grida Duma.

Në fakt ajo shpesh përpiqet të jetë prezente në media, sapo sulmohet, për të rikuperuar imazhin e saj tek militantët.

Kështu ka ndodhur kur doli video e famshme G.D.-ja me Salianjin.

Kështu ka ndodhur kur u ngritën akuzat se ajo ka qënë telefonata e fundit, e ish-bankierit të ndjerë, Artan Santo, vrarë në qendër të Tiranës, disa vite më parë.

Kështu ka ndodhur kur doli një dosje e madhe nga prokuroria ku ishin hetuar shitje pronash, të cilat kishin kryer dy apo tre herë transaksione. Ortakëria e të cilave ishte Grida Duma, e cila e zhytur në borxhe dhe gati e falimentuar, u bë zv.ministre e Integrimit gjatë kohës së qeverisë ?Berisha?, ku dhe rroga i mbahej nga thesari për shkak të tyre.

E pra, kolegia e Doktorit, doli e foli. G.D.-ja e famshme dje na tregoi udhën sesi tre të kundërta janë të përbashkëta dhe janë vlerë.

Edhe përjashtimi, edhe shpallja non-grata, edhe vendimi i lidershipit.

Këtë mund ta bënte vetëm kolegia e Doktorit, sepse deri tani askush tjetër nuk kishte guxuar ta bënte. E bëri ajo dhe tani do ta vazhdojnë edhe papagajtë e tjerë, një e nga një se dhe shumica e tyre janë kolegë të koleges së Doktorit.

Do shkruajnë, do mbajnë qëndrim, do flasin për vlerat e mëdha që ka pasur Doktori Berisha në këto 30 vite. Do flasin për vendimin e dhënë nga Departamenti Amerikan i Shtetit si një vendim i gabuar por dhe i drejtë. Do thonë pastaj se edhe Luli kishte të drejtë.

Pra, Berisha është i mirë, po Amerika e shpalli non-grata ka të drejtë dhe Luli mori vendim lidershipi duke e përjashtuar vetë pa asnjë rregull statutor, pa mbledhur asnjë forum, ama lidership ka. Të fala nga kolegia e Doktorit./CNA.al