web counter
LEXO PA REKLAMA!

SHKARKO APP

App Store
Google Play

E fundit!

x

Ndryshon vendimi i UEFA-s për Skënderbeun?

14 Shtator 2021, 06:50, Sport CNA

Skënderbeu vazhdon të vuajë dënimin e UEFA-s duke mos u lejuar të marrë pjesë në kompeticionet europiane.  Klubi i Skënderbeut u dënua në korrik të vitit 2016 me mospjesëmarrje në Ligën e Kampionëve, duke u cilësuar i papërshtatshëm deri në mbylljen e hetimeve të ngritura nga UEFA.

Më pas, në mars të vitit 2018, Komisioni i Etikës dhe Disiplinës vendosi të dënojë klubin me 10 kualifikime në Kupat e Europës, si dhe 1 milionë euro gjobë për trukim të ndeshjeve. Klubi korçar e apeloi dënimin në disa instanca, por e humbi atë deri në Gjykatën Federale të Zvicrës.

Dënimi fillestar i Skënderbeut ishte me 10 kualifikime në kompeticionet europiane dhe 1 milionë euro gjobë, një vendim që u la në fuqi nga KAS-i më 12 korrik 2019. Gjithsesi, situata duket se ka ndryshuar dhe duket se ka dritë në fund të tunelit.

E përditshmja sportive, ?Panorama Sport? shkruan sot se nga ?10 vite për çdo kualifikim në Europë?, dënimi i UEFA-s është ndryshuar në ?10 vite kalendarikë?. Një lajm i mirë ky, nëse është i vërtetë (pasi nuk ka ndonjë njoftim zyrtar nga UEFA ose nga klubi korçar). Kjo do të thotë se Skënderbeu i ka shlyer 5 vite, ndërsa i kanë mbetur dhe 5. Korçarët vijojnë të shpresojnë gjithashtu edhe te ndonjë aministi dhe ndoshta këto 5 vitetë mbetura mund të reduktohen ende në vazhdim. tifozët korçarë presin me ankth…/ CNA.al





Lajmet e fundit nga