web counter
LEXO PA REKLAMA!

SHKARKO APP

App Store
Google Play

Fundjava shton fluksin e automjeteve/ Policia bën "namin" me gjoba, arrestohen 11 shoferë

29 Gusht 2021, 15:37, Aktualitet CNA

Policia e Shtetit ka vijuar kontrollet në të gjitha akset e vendit, për shkak të fluksit të lartë të automjeteve nga zonat bregdetare drejt Tiranës dhe Morinës.

Gjatë 24 orëve të fundit nga shërbimet e Policisë Rrugore në të gjithë vendin janë arrestuar në flagrancë 11 drejtues mjetesh dhe motomjetesh, nga të cilët 7 për drejtim mjeti në gjendje të dehur dhe 4 për drejtim mjeti pa leje drejtimi.

Gjithashtu sipas policisë janë pezulluar 60 leje drejtimi, nga të cilat 40 për shpejtësi mbi normat e lejuara, ndersa 20 leje drejtimi për drejtim mjeti nën efektin e alkoolit.

Bëhet e ditur se janë ndëshkuar me masë administrative për shkelje që sjellin pasoja në jetën 1606 drejtues mjetesh.

Njoftimi i plotë

Fluks i lartë i automjeteve në akset rrugore nacionale në kthim nga zonat bregdetare drejt Tiranës dhe Morinës.

Policia e Shtetit ka shtuar shërbimet policore në të gjitha rrugët interurbane dhe urbane, duke angazhuar krahas shërbimeve të Policisë Rrugore edhe patrullat e Përgjithshme dhe Forcat ?Shqiponjat?.

Gjatë 24 orëve të fundit nga shërbimet e Policisë Rrugore në të gjithë vendin janë arrestuar në flagrancë 11 drejtues mjetesh dhe motomjetesh, nga të cilët 7 për drejtim mjeti në gjendje të dehur dhe 4 për drejtim mjeti pa leje drejtimi .

Janë pezulluar 60 Leje drejtimi, nga të cilat 40 për shpejtësi mbi normat e lejuara, shpejtësi që varionin deri në 183 km/h në Baypassin e Fierit, 161 në rrugën interurbane Tiranë ?Elbasan në Bërzhitë dhe shpejtësi nga 135 deri në 149 në shumë akse të tjera të vendit dhe 20 Leje drejtimi,për drejtim mjeti nën efektin e alkoolit apo në gjendje të dehur, si dhe janë ndëshkuar me masë administrative, në të gjithë vendin, 1606 drejtues mjetesh, për shkelje që sjellin pasoja në jetën dhe shëndetin e përdoruesve të rrugës.

Policia e Shtetit apelon për të gjithë përdoruesit e rrugës që të respektojnë rregullat e qarkullimit rrugor./CNA.al





Lajmet e fundit nga