web counter
LEXO PA REKLAMA!

SHKARKO APP

App Store
Google Play

Ndarja nga jeta e personalitetit të shquar/ Meta: Humbje e madhe për komunitetin shqiptaro-amerikan

28 Gusht 2021, 16:33, Aktualitet CNA

Presidenti i Shqipërisë, Ilir Meta, ka shprehur ngushëllimet për ndarjen e parakohshme nga jeta të kryetarit të Organizatës shqiptaro-amerikane AANO, Gjon Lulgjuraj.

Meta thotë se Lulgjuraj spikati si aktivist i palodhur në shërbim të çështjes kombëtare e forcimit të lidhjeve shqiptaro-amerikane.

Sipas Metës, ikja e Lulgjurajt është humbje e madhe jo vetëm për familjen e tij, por dhe për komunitetin shqiptaro-amerikan.

?Me hidhërim mora lajmin për ndarjen e parakohshme nga jeta të z.Gjon Lulgjuraj, personalitet i shquar i komunitetit shqiptar në Shtetet e Bashkuara të Amerikës, kryetar i Organizatës 75-vjeçare shqiptaro-amerikane AANO.

Ideator dhe realizues për tre dekada të radio programit të parë në gjuhën shqipe për diasporën shqiptare në Miçigan dhe në Florida, ai spikati si aktivist i palodhur në shërbim të çështjes kombëtare dhe forcimit të lidhjeve shqiptaro-amerikane.

Vdekja e parakohshme e Gjon Lulgjurajt, është një humbje e madhe dhe e pazëvëndësueshme jo vetëm për familjen e tij, por edhe për mbarë komunitetin shqiptaro-amerikan, të cilëve ju shpreh ngushëllimet më të thella.

Personalitete si Gjon Lulgjuraj, me punën, kontributin dhe veprën e tyre jetësore, i kanë bërë dhe i bëjnë nder kombit tonë.

I paharruar kujtimi dhe të prehet në paqe!”, shprehet Meta./ CNA.al





Lajmet e fundit nga