web counter
LEXO PA REKLAMA!

SHKARKO APP

App Store
Google Play

E fundit!

x

Shpejtësi dhe parakalime të gabuara/ Policia ndëshkon shoferët e “çmendur”

28 Gusht 2021, 13:51, Aktualitet CNA

Policia e Shtetit ka intensifikuar kontrollet në të gjitha akset rrugore të vendit me qëllim rritjen e parametrave të sigurisë rrugore. Si pasojë, vetëm gjatë 24 orëve të fundit, janë pezulluar 39 leje drejtimi për shpejtësi që varionin nga 98 km/h në qendrat e banuara, deri në 163 km/h në rrugët interurbane.

Po ashtu njoftohet se janë arrestuar në kushtet e flagrancës, 9 drejtues mjetesh nga të cilët, 6 për drejtim mjeti në gjendje të dehur dhe 3 për drejtim mjeti pa leje drejtimi.

?Janë vendosur 261 masa administrative nga 6.000 deri në 12.000 lekë të rinj, për shpejtësi që varionin deri në 127 km/h, në rrugët interurbane ku shpejtësia e lejuar është 90 km/h. Janë vendosur 312 masa për parakalime të gabuara dhe 221 masa për përdorim të aparatit celuar gjatë drejtimit të mjetit, 233 për mos përdorim të rripit të sigurimit, 87 për mos përdorim të kaskës mbrojtëse?, bëhet e ditur nga policia.

Policia e Shtetit, nisur dhe nga fakti se akoma ka shumë fluks në drejtim të zonave bregdetare dhe në kthim nga këto zona, apelon për të gjithë përdoruesit e rrugës, që të respektojnë rregullat e qarkullimit rrugor dhe të mos nxitojnë për të arritur në destinacion duke kryer parakalime të gabuara e manovra të rrezikshme në rrugë.

Në të gjitha akset nacionale nga Rruga e Kombit deri në Sarandë, e nga Korça në Berat, si dhe në qendrat kryesore urbane, ka patrulla të Policisë Rrugore me radarë, alkooltestues, dronë, kamera e aparatë fotografik./ CNA.al





Lajmet e fundit nga