web counter
LEXO PA REKLAMA!

SHKARKO APP

App Store
Google Play

E fundit!

x

Pse është kaq ngjitës Delta?

20 Gusht 2021, 13:46, Lifestyle CNA

Nga Dr.Blerta Brati, mjeke mikrobiologe prane ISHP

Përveç rritjes së efikasitetit të transmetimit të virusit, faktorë të tjerë ndikuan në përhapjen e shpejtë të tij në të gjithë botën.

Një nga arsyet kryesore që varianti delta filloi të përhapet me shpejtësi është aftësia e tij për të anashkaluar kontrollet kufitare dhe masat e karantinës.

Gjithashtu ndikohet nga lehtësimi i kufizimeve, “lodhja” e distancimit shoqëror e përjetuar nga shumë njerëz në mbarë botën, dhe tërheqja në shumë vende e masave të kontrollit që synojnë parandalimin e infeksioneve, siç është përdorimi i maskave.

Dhe një faktor tjetër i rëndësishëm është shpërndarja e pabarabartë e vaksinave në të gjithë botën.

Nderkohe:

CDC thotë se infeksioni tek njerëzit që janë vaksinuar zvogëlohet më shpejt sesa tek njerëzit që nuk janë të vaksinuar, duke sugjeruar se “njerëzit e vaksinuar plotësisht do të jenë infektivë për një periudhë më të shkurtër kohore sesa njerëzit e pavaksinuar”.

Ekspertët thonë se vaksinimet mbeten shumë efektive në mbrojtjen e jetës duke zvogëluar rrezikun e sëmundjeve të rënda dhe shtrimeve në spital.

Një analizë nga Public Health England (PHE) zbulon se dy doza të vaksinës Pfizer ose AstraZeneca janë më shumë se 90% efektive kundër shtrimeve në spital për shkak të variantit delta të covid-19.

Ndërkohë, shkencëtarët vazhdojnë të punojnë në modifikimin e vaksinave ekzistuese në mënyrë që ato të mbrojnë nga të gjitha mutacionet.

Në këtë stad, nuk duket të ketë të dhëna që tregojnë se një dozë e tretë e vaksinës është e nevojshme për popullatën e përgjithshme.

Por me variantet më ngjitëse si delta, shkencëtarët thonë se nevojiten më shumë kërkime mbi mundësinë e ofrimit të një vaksinimi përforcues.( doze)

Ekspertët theksojnë se me atë që dihet deri më tani për variantin delta, nevojiten strategji të reja parandaluese për të zvogëluar përhapjen e tij.

Tani për tani, mbrojtja më e mirë është vaksinimi.

 





Lajmet e fundit nga