Rrëqeth nëna e 20-vjeçarit/ Lava rrobat e tij me gjak, nuk e dija se fëmija im ishte vrarë

28 Qershor 2021, 18:13, Kronika CNA

Shkëmbimi i zjarrit mes pronarëve të dy hoteleve në Velipojë Ferracaku dhe Gocaj shkakoi 4 viktima dhe dy të plagosur.

Mes viktimave ishte edhe 20-vjeçari Musaen Zeneli, i riu që sapo kishte filluar punë si kuzhinier te Ferracaku.

Për humbjen e të riut ka folur sot vetë nëna e tij Anila Zeneli, e cila tha se në fillim nuk e dinte se djali i vrarë nga shkëmbimi i zjarrit ishte fëmija e saj.

Ajo ka treguar për Dritare.net se mediat ngatërruan emrin e të riut, ndaj edhe nuk e dinte se rrobat me gjak që po lante në lavanderinë e spitalit ishin të djalit të saj.

?Unë nuk e dija që fëmija im ishte vrarë në Velipojë. Djalin e çuan në morg, emrin nuk ia shkruan Musaen Zeneli, siç e ka, por Myzerim dhe kjo ngatërroi shumë njerëzit. Edhe njerëzit e mi nuk e dinin. Unë shkova në punë në gjashtë e gjysmë se punoj te lavanderia e spitalit. Lava rrobat me gjak të djalit dhe nuk e dija që ishte fëmija im që po lahej në morg. Unë nëna e tij, atë mëngjes shkova në morg dhe nuk dija që djali im ishte aty. A ka më hall për nënën. Unë e mora vesh që ishte në morg, por më thanë: ?Nuk është djali yt? sepse nuk donin të më çonin te morgu. Por zemra e nënës ndjen çdo gjë! M?u këput zemra, trupi e shpirti?, u shpreh ajo mes lotësh, ndërsa rrëfeu se 20-vjeçari ishte shumë i gëzuar që kishte gjetur punë.

?Djali ishte shumë i gëzuar që gjeti punën. Unë si prind Velipojën e njoh shumë mirë, por nuk di se te cili lokal ka shkuar, por ishte shumë i gëzuar për punën. Bëri dhe diplomën dhe e vesha si dhëndër për mbrëmjen e maturës. Edhe shokët e klasës erdhën të tërë me lule, me karafila, sot kur futa djalin nën dhe. Më ka mbetur shumë në mendje gëzimi i djalit. Më dhemb shpirti. Unë si nënë kam një dhimbje të dyfishtë, sepse për Musaenin isha dhe nënë dhe babë. Babai m?i la kur djali i madh ishte 12 vjeç dhe i vogli 7. Në 2009-ën u mbyt i babai i fëmijëve dhe 2010 e gjetën. 4 muaj qëndroi trupi i tretur pa ditur se ku ishte. Mbas 4 muajve është gjetur i mbytur. As fëmijët, as unë nuk e dinin ku ishte“, deklaroi nëna e Musaenit./ CNA.al