LEXO PA REKLAMA!

SHKARKO APP

Vjosa Osmani shkarkoi kryetaren e KQZ-së/ Zbulohet gjyqtari që do ta zëvendësojë

14 Qershor 2021, 17:24, Kosova & Bota CNA
Vjosa Osmani shkarkoi kryetaren e KQZ-së/ Zbulohet gjyqtari që do ta

Pas shkarkimit të Valdete Dakës nga posti i kryetares së Komisionit Qendror të Zgjedhjeve, presidentja e Kosovës Vjosa Osmani ka njoftuar se kush do të jetë zëvendësuesi i saj.

Osmani ka emëruar si kryetar të KQZ-së së Kosovës gjyqtarin e Gjykatës së Apelit, Kreshnik Radoniqi, për të cilin tha se do të sigurojë integritetin e KQZ.

?Kreshnik Radoniqi është gjyqtar në Departamentin Special të Gjykatës së Apelit. Gjyqtari Radoniqi, në vitin 2006 ka diplomuar në Fakultetin Juridik të Universitetit të Prishtinës, ndërsa në vitin 2013 ka përfunduar studimet master në SHBA. Provimin e jurisprudencës e përfundoi me 2007.

Radoniqi cilësohet si gjyqtar me kredibilitet të lartë profesional dhe paanshmëri në vendim-marrje. Emërimi i gjyqtarit z. Kreshnik Radoniqi si kryesues i ri i KQZ do të sigurojë që integritet i KQZ nuk dëmtohet më tutje si dhe do të mundësoj mbarëvajtjen e organizimit të zgjedhjeve lokale të bazuar në gjithëpërfshirjen e votuesve në ditën e zgjedhjeve brenda dhe jashtë Republikës së Kosovës.

Presidentja Osmani i ka uruar punë të mbarë z. Radoniqi, duke theksuar rëndësinë e ruajtjes së integritetit të KQZ-së dhe funksionimit të tij në përputhje me Kushtetutën dhe ligjet për zgjedhje?, thuhet në njoftimin e presidentes.

Ndërkohë, Osmani ka listuar edhe arsyet e shkarkimit të Valdete Dakës.

?Komisioni Qendror i Zgjedhjeve është organ i pavarur kushtetues, dhe përgjegjësia për ta ruajtur pavarësinë e KQZ-së së pari është përgjegjësi e kryesuesit të Komisionit. Kryesuesi i KQZ-së nuk vjen nga radhët e partive politike, por emërimi i tij bëhet me një proces të veçantë, fakt ky i cili tregon se kryesuesi duhet të jetë i pavarur në veprimet e tij edhe kur brenda KQZ-së mund të ketë presione nga subjektet politike. Në procesin e fundit zgjedhor, KQZ ka qenë e polarizuar dhe mbledhjet e vendimmarrja janë shoqëruar me tensione si kurrë më parë.

Kryesuesja e KQZ-së, në shumë raste, nuk ka arritur të jetë forcë e pavarur ndaj polarizimeve politike dhe që vendimmarrja e saj të drejtohet nga interesi i përgjithshëm publik, e që për rrjedhojë ka cenuar integritetin dhe besimin e qytetarëve ndaj KQZ-së. Presidentja Osmani vlerëson se veprimet e kryesueses së KQZ-së nuk duhet të jenë shkak për humbjen e besimit qytetar ndaj institucionit, në veçanti pasi sivjet do të mbahen zgjedhjet lokale?, deklaron ndër të tjera ajo./ CNA.al

Lajmet e fundit nga