E fundit!

22:24 Aktualitet

Gazetarja: Shpërthim me tritol në shtëpinë e vëllezërve të lidhur me klanin Çela-Çopja, policia asnjë reagim

Gazetarja Klodiana Lala ka zbuluar sot se një shpërthim me...

Kur servilizmi ka fytyrën e Petrit Vasilit, të cilit i duket vetja më i bukur se Selami Jenisheri

10 Qershor 2021, 12:13, Politikë CNA

Pa as më të voglin dyshim, të gjithë jo vetëm e dinin, por edhe e prisnin shfaqjen e shemtuar prej servili të Petrit Vasilit në mbrojtje të Ilir Metës, figurës më të korruptuar në rajon, të cilin Parlamenti e shkarkoi dje nga detyra e Presidentit të Republikës.

Me gjuhën e tij prej dallkauku e mbllaçitës me gojën pa dhëmbë, ky njeri torrollak e më i diskredituari prej votuesve të vetë LSI-së, në zgjedhjet e 25 Prillit, të cilët i dhanë vetëm 360 vota, i referohet fytyrës së një deputeti pensionist për të na thënë se seanca e Parlamentit që shkarkoi Metën, ka fytyrën e Selami Jenisherit, ndërsa doli sot që në sabah në ekranet e nje televizioni e u shfaq para shqiptarëve ashtu paturpësisht e në rolin e lolos si gjithnjë.

Po më mirë fytyrën e Selami Jenisherit o dallkauk se sa fytyrën tënde prej servili të pështirë, se edhe ai Selamiu e gjithë të tjerët u shfaqën në Parlament pasi ike ti e gjithë soji i servilëve si ti more kokëbosh, që ju tërhoqi Monika nga hundët dhe dogjët mandatet, duke qenë ju ish- deputetët e LSI, që ja futët të parët thikën pas shpine Ilir Metës e nuk ja degjuat fjalën, kur ju tha të mos iknit nga Parlamenti.

Ndaj, tani ti i pari more dallkauk e gjithë ju servilët e LSI-së që mendoni se po mbroni Ilir Metën, nuk keni as fytyrë dhe as dinjitet as sa gjysma e Selami Jenisherit dhe as sa gjysma e Edmond Rrushit apo e Ylli Shehut që ti me firmën tënde si kryetari më karagjoz i pluralizmit shqiptar në ato dy muaj sa të mbajti padroni jot në krye të LSI-së, i fute me listat e kandidatëve për deputetë të LSI.

Ndaj, nuk ke sy e faqe ti t?u flasësh shqiptarëve, se je nga figurat më të shëmtuara të politikës shqiptare, je shembëlltyra e servilit më karagjoz, që nuk të do askush, as në partinë tënde që nga njëra ana vetëshpallet si partia e të rinjve e nga ana tjetër vazhdon e mban si model të imazhit publik e politik një surrat që nuk mori më shumë se 360 vota ndër më shumë se 500 mijë votuesit e Tiranës./CNA.al