web counter
LEXO PA REKLAMA!

SHKARKO APP

App Store
Google Play

E fundit!

x

Shkarkimi i Metës/ Duma: Goditje ndaj demokracisë, Parlamenti tregoi anën negative

9 Qershor 2021, 15:32, Politikë CNA

Deputetja e zgjedhur e PD Grida Duma ka folur sot mbi vendimin e Kuvendin për shkarkim e presidentit Ilir Meta.

Sipas saj, Parlamenti është antikushtetues dhe thjesht sot i dha një tjetër goditje demokracisë shqiptare.

në një intervistë në News 24 Duma u shpreh se opozita parlamentare nuk ekziston. Ajo shtoi se duhet një institucion që t’i vendosë kufi pushtetit të Rilindjes që është i pakufishëm.

?Parlamenti thjeshtësisht theksoi anën negative, duke i dhënë një goditje tjetër ndaj demokracisë. As e udhës, as e momentit kur dimë që zgjedhjet kanë ndodhur, dhe mundësia e parlamentit për të pasur një legjitimitet me opozitën reale, janë, kurse ky parlament po legjitimon mos legjitimitetin e vet. Opozita parlamentare nuk ekziston. Sado konflikt interesi të kem unë që jam palë, jam pjesë e PD, ajo nuk ekziston.

Mund të ketë të tillë që duan të bëjnë një pjesë opozitarizmi, por opozita është kjo. Opozita duhet të jetë aty në faktin, formën e përmbajtjen në kushtëzimin e palës tjetër. Kur nuk e kushtëzon, gjithçka e bën një opozitë inekzistente.

Kështu që është e paarsyeshme që një parlament jo kushtetues të mbrojë Kushtetutën. Shpresoj që Gjykata Kushtetuese, si Reforma në Drejtësi që është kali më i madh i betejës, shpresoj që Gjykata të shërbejë si hallka e fundit e ruajtjes së balancave.

Pavarësisht si gjykohen të gjitha vendimet, duhet një institucion që ti vendosë kufi pushtetit të Rilindjes që është i pakufishëm?, u shpreh Duma./ CNA.al





Lajmet e fundit nga