E fundit!

12:40 Politikë

"Projektligjet e kapitullit 17 të shtyhen për seancën e 23 korrikut"/ Propozimi i Ballës kundërshtohet nga opozita

Kreu i Grupit Parlamentar të PS, Taulat Balla propozoi që ...

Formula 1/ Garë e "çmendur" në Azerbajxhan, pretendentët e titullit mbeten jashtë

6 Qershor 2021, 14:57, Sport CNA

Serxhio Perez ka fituar sot në mënyrë të papritur Çmimin e Madh të Azerbajxhanit në Formula 1, në një garë që nxori pretendentët për titullin jashtë në 3 xhirot e fundit të saj, Maks Vertsapen e Luis Hemilton. Në podium kthehet Fetel, ndërsa Mercedes pas shumë kohësh nuk merr pikë me asnjë nga pilotët.

Leklerk me Ferrari nisej nga vendi i parë, por pas startit të garës, ai humbi pozicionin e tij shumë shpejt si ndaj Hemilton,ashtu edhe ndaj Verstapen e Perez që e ndiqnin. Red Bull e kuptoi që për të mundur Hemilton sot duhej strategjia e bokseve dhe duke shtyrë pak xhiro hyrjen, të kombinuar me një ndërrim gomash shumë të shpejtë, arriti të nxirrte pilotët para britanikut.

Por avantazhi që ata krijuan ndaj Hemilton shkoi në zero pasi goma e Stroll shpërtheu në pjesën e drejtë, duke sjellë në pistë makinën e sigurisë. Gjithsesi, me rinisjen e garës, dy makinat Red Bull u treguan të kujdesshme teksa mbajtën pas krahëvë të tyre Hemilton, kurse shoku i skuadrës së këtij të fundit, Valteri Botas, rrëshqiti pak nga pak duke dalë nga zona e pikëve.

Verstapen po shkonte i qetë drejt fitores, në një garë të dominuar dhe ku kishte dhuruar edhe xhiron më të shpejtë. Por edhe ai në pjesën e drejtë pa t?i shpërthente goma, duke shkaktuar aksident që e nxori nga gara, kur mbeteshin vetëm 3 xhiro deir në mbylljen e saj. Fillimisht në pistë hyri makina e sigurisë e më pas u vendos që të kishte një ndalesë e rinisje të garës për 2 xhirot e fundit.

Hemilton, i cili deri një xhiro më parë e shihte veten të shkëputur nga Verstapen në garën për titull, tashmë kishte mundësin edhe të fitonte garën e të siguronte një distancë sigurie ndaj holandezit, nëse kalonte Perez para tij. Por britaniku gaboi gjithçka në rinisje e doli nga pista që në kthesën e parë, duke i hapur rrugë suksesit të pilotit meksikan. Pas krahëve të Perez u rendit në mënyrë të papritur Sebastian Fetel me Aston Martin, pasi shfrytëzoi mirë strategjinë e gomave për të qenë protagonist në këtë garë.

Vendi i tretë i shkoi Pierr Gasli me Alfa Tauri, i cili mbajti pas Leklerk i cili po mundohej në çdo mënyrë që të ngjitej në podium. Norris, Alonso, Tsunoda, Sainz, Riçiardo dhe Raikonen ishin pilotët të cilët plotësuan 10-shen e parë në këtë garë të çmendur.