LEXO PA REKLAMA!

SHKARKO APP

Nga zgjedhjet për kreun e PD, tek fitimi i betejave me Bashën/ Fatbardh Kadilli flet për garën e 13 qershorit

23 Maj 2021, 09:37, Politikë CNA
Nga zgjedhjet për kreun e PD, tek fitimi i betejave me Bashën/

Fatbardh Kadilli, kandidat për kreun e Partisë Demokratike e sheh garën e 13 qershorit me rregulla të papërcaktuara qartë, duke e vënë theksin në mungesën e Komisionit të Ankesave me anëtarë.

Në një intervistë për CNA.al, Kadilli u shpreh se sot në mbledhjen e Kryesisë pritet që të përcaktohet kandidaturat dhe modalitetet e garës, ndërsa shprehet pesimist për zgjedhje të ndershme.

Sipas kanidatit për kreun e PD-së, qëllimi i vërtetë i Lulzim Bashës është rivotimi i emrit të tij dhe jo zgjedhje brenda partisë.

Kadilli shtoi se ai ka fituar disa beteja përballë Bashës.

Intervista e plotë e Fatbardh Kadillit:

CNA.al- Ju jeni kandidat për kreun e ri të PD-së. A mendoni se janë rregullat e qarta për një garë të rregullt?

 

Kadilli- Rregullat nuk janë përcaktuar ende, jo më të jenë të qarta. Komisioni i Zgjedhjeve në parti, edhe pse duhet të ishte i krijuar kohë më parë, u plotësua me emrat e anëtarëve vetëm para një jave. Ndërkohë, Komisioni i Apelimit ende nuk është plotësuar me anëtarë, edhe pse Zoti Ristani e ka përsëritur prej kohësh këtë kërkesë në Kryesi dhe në Këshill Kombëtar.

Sot ka një mbledhje Kryesie që duhet të përcaktojë kandidaturat dhe modalitetet e garës. Të shohim çfarë do vendosë.

CNA.al- A keni garanci se s?do ketë manipulime?

Kadilli- Nuk ka garë ku ata që administrojnë të mos jenë të tunduar të fusin duart. Ato që ju quani garanci nuk i di, sepse nuk kam parë ende asnjë draft për modalitetet dhe procedurat e garës.

CNA.al- I keni listat e antarësisë dhe si do e verifikoni procesin?

Kadilli- Listat nuk i kam. Po pres çfarë do të vendosë sot Kryesia për këtë kërkesë.

CNA.al- A do kemi zgjedhje të verteta në PD apo një garë për të rizgjedhur Bashën?

Kadilli- Unë e arrita një fitore të parë. Ia ktheva garën PD. Ky është kontributi im i parë për PD. Nga dita e kandidimit, kur pati dhe moskuptime për kandidimin tim, sot kemi disa kandidatë. Sot edhe ata që thoshin ?pse e sfidon kryetarin? janë tërhequr në një garë virtuale, kush është më i miri.

Po kështu, kam arritur dhe një fitore politike në garën me Bashën. Afrimi me 6 javë i datës së zgjedhjeve e zbuloi qëllimin e Bashës. Ai do që të rivotohet. Nuk do që të ketë zgjedhje./CNA.al

Lajmet e fundit nga