web counter
LEXO PA REKLAMA!

SHKARKO APP

App Store
Google Play

Niko Peleshi thirrje të rinjëve/ Mund ta shihni Forcat e Armatosura si mundësi të artë për karrierë

23 Maj 2021, 10:11, Politikë CNA

Ministri i Mbrojtjes Niko Peleshi u ka bërë thirrje të gjithë të rinjëve të shohin Forcat e Armatosur si një mundësi të mirë për karrierën e tyre.

Në fjalën e tij nga Sheshi “Nënë Tereza”, Peleshi tha se “Defender 21” ka qenë mundësia më e madhe e për të testuar kapacitetet ushtarake të vendit tonë.

“Sot është një ditë e hapur e stërvitjes Defender 21, më e madhe e zhvilluar në dekadën e fundit në Ballkanin Perëndimor. Sot e kemi sjellë këtë stërvitje në zemër të Shqipërisë për ta sjellë para qytetarëve për të treguar të gjithë masën civile që Ushtria jonë ka.

Kemi zhvilluar një ditë të hapur në Durrës e Vlorë, sot po e zhvillojmë në kryeqytet, ku në të gjithë hapësirë shqiptare mijëra trupa amerikane, pranë atyre shqiptare po stërviten për të dhënë siguri, paqe stabilitet dhe qetësi qytetarëve tanë. Kjo përpjekje ka për qëllim të mbajë paqen, të forcojnë demokracinë, të na bëjë të flemë të qetë e të jemi të sigurt për të ardhmen.

I kemi dhënë sot mundësi qytetarëve që ta prekin me dorë se ça do të thotë të jesh krenar që je shqiptar. Pas 12 vitesh anëtarësi në NATO, sot ka qenë mundësia më e madhe e historisë tonë për të testuar veten dhe kapacitetin tonë. I bëj ftesë të rinjve ta shohin në karrierën e tyre si një mundësi të artë pjesëmarrjen pranë Forcave të Armatosura“, tha Peleshi./CNA.al





Lajmet e fundit nga