E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Studimi/ Shkrimet fetare që legjitimojnë dhunën, i nxisin besimtarët të mbështesin aktet ekstremiste vdekjeprurëse

30 Prill 2021, 07:13, Politikë CNA

Tekstet fetare u ofrojnë besimtarëve parimet udhëzuese se si ata duhet të jetojnë, në atë mënyrë që kultura e tyre e konsideron mënyra e duhur e të jetuarit. Por disa prej këtyre teksteve të lashta vijnë nga kohërat kur dhuna kundër jo-besimtarëve ishte një praktikë e pranuar.
Megjithëse këto shkrime të shenjta, janë zakonisht një forcë nxitëse për mirë, një studim i ri ka zbuluar vargje të ndryshme që legjitimojnë dhunën, dhe që i nxisin disa njerëz që të mbështesin ekstremizmin me pasoja vdekjeprurës për shoqëritë e sotme.

Nga Amerika në Evropë, dhe në rajone të tjera në të gjithë botën, vitet e fundit incidentet e dhunshme ekstremiste kanë qenë një plagë e kohëve moderne. Studiues nga Qendra e Shkencave Sociale në Berlin (WZB), vërejnë se shumë prej këtyre autorëve, citojnë vargje nga shkrimet e shenjta të fesë së tyre gjatë kohës që kryejnë akte kriminale vdekjeprurëse.
Abdullah H., një sirian që vitin e kaluar u akuzua për goditjen me thikë të një çifti homoseksualësh dhe vrasjen e një burri tjetër në Drezden të Gjermanisë, dëshmoi në gjyq se ishte frymëzuar për të kryer krimin nga një sure Kuranore.

Përkundër incidenteve të tilla, autorët e studimit thonë se ekspertët vazhdojnë të dyshojnë nëse feja mund t?i motivojë vërtet njerëzit të kryejnë akte dhune. Studiuesit Rud Kopmans dhe Ejlem Kanol intervistuan 8.000 të krishterë, myslimanë dhe hebrenj, për të përcaktuar nëse disa shkrime të shenjta mund t?i nxisin besimtarët të mbështesin vrasjen e armiqve të besimit të tyre. Autorët e studimit përfshinë në studim qytetarë nga SHBA-ja, Gjermania, Qiproja, Libani, Izraeli, territoret palestineze dhe Kenia. Gjysma e grupit u pyet nëse mendonte se forca vdekjeprurëse kundër jobesimtarëve të besimit të tyre, ishte e justifikuar në ndonjë pjesë të librave fetarë.

Ndërkohë,gjysmës tjetër studiuesit i dhanë të komentonin nga një citim nga Bibla, Kurani ose Tora. Këto citate mbështesnin dhunën ndaj atyre që nuk besojnë në këto fe. Rezultatet zbulojnë se referimi ndaj fragmenteve të shkrimeve të shenjta që legjitimojnë dhunën, e rrit dukshëm mbështetjen për veprime vdekjeprurëse midis besimtarëve të tri besimeve.
U vërejt se ky ndikim mbeti i vazhdueshëm edhe në të shtata vendet. Gjithsesi, studiuesit zbuluan se mbështetja ndaj ekstremizmit më pasoja vdekjeprurëse, ishte më e dobët në mesin e hebrenjve dhe të krishterëve sesa midis myslimanëve.

Në mënyrë të veçantë, 9 pë rqind e të krishterëve e mbështetën dhunën pa lexuar asnjë shkrim paraprakisht. Kjo shifër u rrit në 12 për qind mes të krishterëve që lexuan një citim të tillë, përpara se të dëgjonin pyetjen. Ndërkohë tek hebrenjtë, 3 për qind e mbështetën dhunën pa lexuar citate, ndërsa 7 për qind e mbështetën atë që lexuan nga një fragment i tillë.
Në mesin e myslimanëve, studimi zbuloi se 29 për qind e tyre e mbështesnin dhunën kundër jobesimtarëve, pa ndonjë ndikim shtesë. Për ata që lexuan referenca Kuranore, 47 për qind thanë se e mbështesnin dhunën kundër armiqve të fesë së tyre.

Autorët e studimit dyshojnë se arsyeja për këtë ndryshim dramatik midis besimeve, është për shkak se një numër i madh myslimanësh, i përmbahen një ?interpretimi fondamentalist? të besimit të tyre. Fundamentalistët i interpretojnë në kuptimin e tyre të parë shkrimet e shenjta të fesë së tyre.
Ata i konsiderojnë mësimet dhe parimet e besimit të tyre ende të vlefshme në shoqërinë e sotme. Prandaj, studiuesit arrijnë në përfundimin se fondamentalistët janë shumë të ndjeshëm ndaj atyre që përpiqen të legjitimojnë dhunën duke cituar burime fetare.

Ekipi shton se ky është një hap i rëndësishëm për t’iu kundërvënë kërcënimit të ekstremizmit fetar.?Shkaqet dhe motivimet fetare duhet të merren seriozisht. Dhuna nuk duhet të reduktohet vetëm tek shkaqet socio-ekonomike dhe psikologjike?-thotë drejtori i WZB, Kopmans në një njoftim për media. Ai i këshillon udhëheqësit fetarë të kundërshtojnë në mënyrë aktive interpretimet fondamentaliste të besimeve të tyre, dhe të fillojnë t?i vendosin në kontekstet e duhura historike dhe shoqërore këto mësime antike./Përshtatur nga CNA.al