Basha, humbësi që duhet të japë llogari para demokratëve/ CNA.al e paralajmëroi dështimin e tij

27 Prill 2021, 07:35, Politikë CNA

Rezultatet e dala nga zgjedhjet e 25 Prillit, kur kanë mbetur pa numëruar rreth 400 kuti, flasin për një fitore të Partisë Socialiste dhe Edi Ramës.

Sipas të dhënave nga KQZ, rezulton se PS ka marrë 48.63 ose 678 866 vota, ndërsa PD ka marrë 39.38 % ose 549 727 vota.

Tre javë para zgjedhjeve parlamentare të 25 Prillit, CNA.al, paralajmëroi jo vetëm rezultatin por edhe sjelljen e humbësve.

Edi Rama mori një mandat të tretë, pasi garoi me një rival pashtyllë kurrizore si Lulzim Basha, i cili hyri në këto zgjedhje me strategjinë e vitit 2017.

Në një kohë që Rama, përdorte si pika të forta menaxhimin e situatës së tërmetit dhe pandemisë, Basha nga ana tjetër, nuk ngjallte besim, duke përsëritur të njëjtat gjëra dhe duke mbajtur shpresën tek LSI, e cila në këto zgjedhje shkoi për skrap.

CNA.al paralajmëroi se Basha kishte bërë llogari se mund të merrte pushtetin duke siguruar 60 deri në 64 mandate dhe LSI të merrte 10 apo 12 mandate. (Lexo këtu)

Por, kjo llogari e bërë nga Lulzim Basha rezuloi një gabim trashanik. Rezultatet flasin qartë, LSI mezi ka siguruar 6 mandate dhe PD 59 mandate.

Shuhen ëndërrat e Bashës për fitore

Lulzim Basha shpresonte se do të bënte një përmbysje në Korçë, por deri më tani arriti të merrte 5 mandate, përkundër PS me 6 mandate.

Përmbysje të rezultatit shpresonte edhe në Berat, ndërkohë ka marrë vetëm 2 mandate dhe PS 6 mandate.

Elbasani ishte një tjetër Qark, ku Basha ëndërronte fitoren. Por deri më tani shifrat flasin për një fiore të PS me 8 mandate dhe në pritje për të nëntin dhe për 6 mandate të PD.

Ashtu siç parajmëroi CNA.al, Basha fitore pati në veri, në Qarqet e Kukës, Shkodër, Lezhë e Dibër.

Nga ana tjetër PS, humbjen në Veri e ka rikuperuar në Jug, si në Vlorë, Fier, Berat, Gjirokastër apo Korçë.

Përkundër këtyre rezultateve, Basha dje doli, foli për fitore dhe për humbje të thellë të PS. Për të fitore do të thotë rritja e PD, krahasuar me zgjedhjet e vitit 2017.

Por, realisht Basha është një humbës që tashmë duhet të kishte bërë gati fjalimin e dorëheqjes.

Asnjë lloj justifikimi nuk pi më ujë, pasi ishte vetë ai që e cilësoi procesin zgjedhor si një ditë feste. Ndaj duhet një herë të paktën, të tregohet burrë, të pranojë dështimin dhe të largohet nga drejtimi i PD-së./CNA.al

Lulzim Basha po kërkon alibinë e humbjes

Gafat e Bashës në mesazhin ndaj shqiptarëve/ PD pronë e imja, nuk do hyj në zgjedhje po dështova

Basha, ?gjenerali? që do tradhëtojë PD-në

Analiza e mandateve/ LISTA BASHA-LSI, një humbje për PD-në

Basha shpall fitoren për të mos njohur humbjen!