LEXO PA REKLAMA!

SHKARKO APP

“Fajin e ka PS dhe PD”/Hajdari: Bandat lëvizin lirshëm në Elbasan

21 Prill 2021, 21:13, Politikë CNA
“Fajin e ka PS dhe PD”/Hajdari: Bandat lëvizin lirshëm

Kandidatja për deputete e Nismës Thurje në qytetin e Elbasanit Rudina Hajdari ka folur për ngjarjen e rëndë që tronditi Elbasanin ku fajësoi dy partitë kryesore në vend. Hajdari i bëri thirrje të gjithë qytetarëve që të distancohen nga kjo ngjarje. Teksa fliste në ?Zgjedhje 2021? ajo shtoi se bandit kriminale janë prezente dhe lëvizin lirshën në qytetin e Elbasanit.

?U bëj thirrje të gjithë qytetarëve të distancohen nga kjo ngjarje, nga mënyra se si po mundohen të infiltrojnë frikë dhe pasiguri për qytetarët. Dhe të dalin dhe të ndëshkojnë këtë lloj sjellje politike të rëndë midis bandave dhe midis kriminelëve.

Ne jemi gjatë gjithë kohës në terren dhe të gjithë qytetarët e Elbasanit janë në dijeni që këtu bandat apo organizatat kriminale janë prezente gjatë gjithë kohës dhe lëvizin lirshëm dhe po ta shikosh është një ngjarje që ndodh në mesin e ditës, pa pikë problemi. Dhe kjo është ajo çka është akoma më e frikshme?, u shpreh Hajdari.

E pyetur nëse është e frikësuar pas kësaj ngjarje, Hajdari u shpreh se jo, por sqaroi më tej se do ta luftojë këtë lidhje të krimit me politikën.

?Nuk ndjehem e frikësuar, sepse i kam marrë parasysh këto rreziqe dhe kam qenë ndër të parat që kanë folur pikërisht për lidhjen që ka krimi i organizuar me politikën. Dhe kam fajësuar të gjitha palët për lidhjen që kanë me organizatat kriminale, që përdorin muskuj ndaj njëra-tjetrës dhe nuk shpalosin ide për vizionet e tyre për qarkun e Elbasanit. Kjo është një tjetër ngjarje që dëshmon pikërisht këtë sjellje politike?, shtoi Hajdari./CNA.al

Lajmet e fundit nga