web counter
LEXO PA REKLAMA!

SHKARKO APP

App Store
Google Play

E fundit!

x

AKSHI në varësi të Ramës/ Meta: Sa më shumë ushtron dhunë, aq më shumë do ndëshkohet

21 Prill 2021, 18:58, Politikë CNA

Presidenti Ilir Meta teksa ka komentuar sërish nxjerrjen e të dhënave të qytetarëve, tha se AKSHI është i kapur nga Rama.

Meta shtoi se sa më shumë të ushtroje forcë aq më shumë do ndëshkohet ditën e votimeve.

?Prokuroria është e kapur dhe këtë e tregon dhe fakti që Presidenti ka bërë padi penale në SPAK për incenratorët, dhe nuk po bëhet asnjë hetim.

AKSHI është institucioni që duhet të mbroje të dhënat personale e të gjithë individëve.

Si institucion është në varësi të Ramës dhe merr urdhra vetëm nga ai.

Të gjitha të dhënat personale të çdo individi janë në duart e disa individëve të papërgjegjshëm dhe mund të shpërdorohen, siç ndodhi në Pustec.

Kryeministri më i favorshëm për nje opozite e cila do te fitoje zgjedhjet është pikërisht Edi Rama.

Unë e kam shprehur këtë mendim, ja kam thënë dhe opozitës sepse ai është bërë një Kryeministër shfrytëzues, dhe po ushtron trysni dhe presion ndaj qytetareve.

Nuk mund të kesh një kundërshtar më të thjeshtë për të fituar zgjedhjet sepse i vetmi veprim i ketij kryeministri është dhuna. Do përgjigjet populli me votë, sepse sa më shumë të ushtrosh forcë aq më shumë do ndëshkohet ditën e votimeve.”/CNA.al





Lajmet e fundit nga