web counter
LEXO PA REKLAMA!

SHKARKO APP

App Store
Google Play

E fundit!

x

Ish ministri nxjerr fakte/ “Rama po bën fushatë me projektet e Berishës”

13 Prill 2021, 07:30, Politikë CNA

Ish ministri i Drejtësisë Ylli Manjani me anë të një postimi në rrjetet sociale ka listuar  fakte dhe hedhur akuza mbi kryeministrin Edi Rama duke thënë se socialistët kanë kontribuar për vendin por jo Edi Rama.

Sipas tij, ka qenë Partia Demokratike ajo që ka sjellë anëtarësimin në këshillin e Europës dhe NATO dhe veçanërisht liberalizimin e lëvizjes së lirë.

?PD ka firmën zyrtare në të gjitha dokumentet themelore të marrëdhëkueve të Shqipërisë me perëndimin. Anëtarësimi në Këshillin e Europës dhe NATO; fiksimin i bisedimeve zyrtare me BE për anëtarësim dhe veçanërisht liberalizimi i lëvizjes së lirë janë ME FIRMËN E PD.  Socialistët kanë kontribuar padyshim, por jo Edi Rama.  Ky i fundit u rrjeshtua kundër liberalizimit të vizave dhe kundër anëtarësimit në BE. Fakt është që sot Shqipëria e Edi Ramës është shtojcë e Republikës Turke.  Në planin e brendshëm PD e Sali Berishës çeli literalisht rrugë të reja me të paktën 20 km tunele. Të kritikueshme nga ana buxhetore, por u bënë?, ka shkruar Manjani.

Manjani shtoi se në Shqipëri nuk ka qeverisje por ekziston ideja e sundimit duke theksuar se ai që është në krye ndjehet legjitim të bëjë çfarë të dojë.

?Qeverisja e Edi Ramës, nuk ka në rekord asgjë të re. Vetëm vonesa në përmbylljen e rrugëve të Saliut, që të duken si të Ramës. Duhet thënë se PS e Edi Ramës investoi më shumë në qendrat e qyteteve sesa në ndërlidhjen midis tyre.  Mbi të gjitha, qeverisje në Shqipëri nuk ka, sepse ekziston ideja e sundimit. Ai që është në krye ndjehet legjitim të bëjë çtë dojë.

Por fakt është që demokracia dhe të drejtat e njeriut kanë marrë goditjen më të madhe gjatë sundimit të Edi Ramës. Me polici e deri dhe ushtri shtypet çdo protestë paqësore. Ky është një bilanc faktesh?– ka shkruar Manjani./ CNA.al





Lajmet e fundit nga