E fundit!

19:42 Aktualitet

52 ditë protestë kundër qeverisë/ Qytetarët marshojnë drejt Kryeministrisë

Në sheshin “Skënderbej” janë grumbulluar qytetarët për pro...

“Në PD çmohen idiotët”/ Gjekmarkaj: Basha shpërbleu të diskredituarit

8 Prill 2021, 07:10, Politikë CNA

?Qysh kur PD hyri në skenën e politikës shqiptare, atij dhjetori të vitit 1990 plot shpresa e iluzione, kurrë nuk ka pasur një grup parlamentar kaq të dobët, kaq pak përfaqësues, kaq të diskretituar në imazh?.

Kështu shkruante Agron Gjekmarkaj në një opinion të datës 9 Shtator 2017, në gazetën ?Panorama?.

Tre muaj pas zgjedhjeve parlamentare të 25 Qershorit 2017, Gjekmarkaj në atë kohë në rolin e analistit, fliste se si Basha shpërblente personazhe periferike të diskretuara, të cilët e ndihmuan për realizimin e ?grushtit të shtetit? në PD.

?Basha dje (8 Shtator 2017) me pak përjashtime, që nuk i shmangte dot nga trashëgimia e pa shkatërruar ende e PD-së, shpërbleu disa personazhe, sa periferike, aq të diskretituar deri në kufijtë e komizmit të qeverisë Berisha në postet parlamentare.

Kjo ishte forma e tij për t?i shpërblyer ata për zellin që treguan me ?kolaboracionizmin? e tyre gjatë ?grushtit të shtetit? në PD? shkruante Gjekmarkaj.

Sipas Gjekmarkajt, Basha hodhi kockën në korridoret e PD-së dhe disa u turrën dhe e lëpinë me dalldi sa rrezik t?i linte fryma nga tahmahi.

?Paçka se bënë një fushatë elektorale dizastroze, duke humbur në çdo qark, ata u promovuan duke ndjekur akademinë sovjetike të Shkencave të Tiranës në rrokadën e posteve.

Ata mbështetën Bashën kundër personazheve me peshë, në atë formacion dhe tani Basha i mbështet ata kundër opinionit publik, që i përbuz.

Natyrisht kjo është zgjedhje e menduar mirë në rrugën drejt privatizimit të PD-së nga një person dhe një familje. Banaliteti dhe nënmedikroteti i saj natyrisht nuk janë shqetësimi i Liderit të shkrirë, përkundrazi, gëzimi dhe triumfi i tij?, shkruante ndër të tjerë Gjekmarkaj.

Sipas tij, mesazhi është i qartë.

?Në PD nuk vlente CV-ja, kontributi, historia familjare apo opozitarizmi ndaj të majtës.

Hiç asgjë. Ato janë dokrra hinit. Mjafton të takosh njeriun e duhur, në mënyrën e duhur dhe Basha ta hap derën. Nuk ka rëndësi në je idiot, përkundrazi ajo është cilësi që çmohet shumë në PD.

Shikoni postet e reja që shpërndau Basha për t?u bindur për këtë. Natyrisht Lulzim Basha, i shkolluar jo keq si profesionist vite më parë, ka 12 vjet që përdor vetëm 120 fjalë si fjalor kulturor e politik.

Ata që tejkalojnë këtë shifër s?kanë sy për qabe. Nuk e kishim vënë re edhe nga dëshira për ta mbyllur një sy kur zullumet e Qeverisë socialiste s?kishin të sosur?, shprehej Gjekmarkaj.

Sot që është kandidat për deputet në Lezhë, duhet të thotë të paktën a është ende i idesë, që idiotët vlerësohen në PD, apo të flasë se tek cila kategori futet.

Te ata që që i klasifikon idiotë apo tek ata që janë dokrra e hinit./CNA.al