E fundit!

18:44 Aktualitet

Mblidhet të enjten Konferenca e Kryetarëve/ Ja çfarë pritet të vendoset në seancë

Konferenca e Kryetarëve do të zhvillojë të enjten mbledhje...

Vjedhja e votave dhe dhuna e Metës/ PD tregon denoncimin në institucionet ndërkombëtare

31 Mars 2021, 16:37, Politikë CNA

Ilir Meta, drejtuesi i LSI që ka lënë Presidencën dhe ka zbritur në terren për të bërë fushatë elektorale, ka nisur të bëjë ?engjëllin? sa i takon mbrojtjes së votës.

CNA.al me fakte po tregon të gjitha detajet dhe intrigat që ka përdorur Meta për të ardhur në pushtet, të cilat janë denoncuar nga vetë PD në vitin 2001.

Dje ne treguam mënyrën arrogante të përdorur nga Meta, i cili duke përdorur policinë dhe Gradën dhunonte qytetarët dhe vidhte votat, ndërsa sot do tregojmë denoncimin e PD në institucionet ndërkombëtare për Ilir Metën dhe vjedhjen e votave.

Në botimin e Rilindjes Demokratike, në 18 korrik 2001, gati një muaj pas mbajtjes së zgjedhjeve, raportohej për mbërritjen e kryetarit të PD Sali Berisha në Vjenë.

Në faqen 3 të këtij artikulli, theksohet se Berisha udhëtoi drejt Austrisë për të takuar drejtuesit e lartë të OSBE-ODHIR.

Me dosje të plota dhe voluminoze, Berisha u ?përplas? zyrtarët ndërkombëtarë për të denoncuar pikërisht provat dhe faktet e grumbulluara për vjedhjen e votave nga Meta.

Para se të nisej për në Vjenë, Berisha kishte komunikuar me gazetarët, të cilve u kishte komunikuar se: ?Këta po vazhdojnë procesin e grabitjes së votës, ditën për diell, të shumë zonave elektorale të shpallura të fituara një herë nga KQZ dhe për këtë ne do të mbajmë qëndrimet tona?.

Përveç Berishës, edhe emra të tjerë të PD-së në atë kohë u nisën drejt vendeve europiane.

Ndërsa Fatmir Mediu kishte zbarkuar në Shtetet e Bashkuara të Amerikës, Jozefina Topalli ishte nisur drejt Italisë.

Ndërkohë që dy ditë më vonë, në datën 20 korrik 2001, në faqen 3 të artikullit ishte pasqyruar fjala e Berishës pas kthimit nga Vjena. Në atë kohë, Berisha shprehej: ?Ne u takuam me shumë personalitete të rëndësishme të OSBE si dhe me personalitete të rëndësishme zyrtare austriake dhe me miq të mi, ku paraqitëm fakte, dokumenta për manipulim, dhunën, terrorin policor gjatë zgjedhjeve në Shqipëri?.

Një ditë më parë, CNA.al raortoi dëshmi të qytetarëve, të cilët në atë kohë rrëfenin dhunën e policisë, të cilët kishin marrë urdhër të posaçëm nga Ilir Meta për të përgjakur rrugët, vetëm që ky i fundit të vinte në krye të qeverisë.

Në zgjedhjet e vitit 2001, Ilir Meta ishte kryeministri i vendit. Vodhi vota, futi njerëz në burgje, mund të kujtojmë këtu me dhjetra raste, që nga Lushnja në Korçë, Lezhë, Shkodër, Elbasan apo deri në Mat, ku kutitë e votimit u gjetën në zyrën e kandidatit socialist.

Pra vetë PD në vitin 2001 dënonte dhunën dhe arrogancën e Ilir Metës dhe kërkonte transparencë për të gjitha votat që ai kishte vjedhur.

Por të tjera fakte dhe denoncime do të vijnë edhe ditën e nesërme, ku do të nxjerrim të tjera elementë të PD kundër Ilir Floririt, i cili duket se dhunën ka të vetmin skenar për të ardhur në poushtet, e që po mundohet të sjellë partinë e tij jo me mbështetjen e qytetarëve, por me rrugën që vetëm ai di./CNA.al

Ilir Meta hajduti më i madh i votave/ I dhunshëm dhe gjakatar

Denoncimi i PD/ Ilir Meta masakronte demokratët dhe vidhte votat