E fundit!

14:31 Qyteti im

Në "zemër" të Devollit me kryebashkiakun Duro/ Historia, natyra dhe turizmi i së ardhmes

CNA TV udhëton drejt Devollit, një prej zonave më të veçan...

Zgjedhjet e 25 prillit/ Kryevëzhguesja e ODHIR tregon çështjet kritike në procesin zgjedhor

27 Mars 2021, 19:48, Politikë CNA

Kryevëzhguesja e OSBE ODIHR Urszula Gacek tregohet e kujdesshme të japë një vlerësim për parapërgatitjet e deritanishme të zgjedhjeve të 25 Prillit.

Kryevëzhguesja e ODHIR thekson se në këto zgjedhje, shumë gjëra janë ndryshuar, duke nisur që nga Kodi Zgjedhor, mënyra e të votuarit dhe sistemi i identifikimit.

?Ne gjithmonë punojmë duke observuar fillimisht e më pas japim vlerësime. Ne kemi disa fusha prioritare të cilat duam ti shikojmë. Shumë gjëra janë ndryshuar për këto zgjedhje si legjislacioni, mënyra e të votuarit , sistemi identifikimit e mbi të gjitha këto janë zgjedhje që mbahen në kushte pandemie.

Janë shumë gjëra të reja për tu parë e kështu një mori çështjesh për vlerësim por për momentin nuk e themi dot cili është vlerësimi është shumë herët?, tha ajo.

Kryevëzhguesja e OSBE ODIHR thekson se që nga dita e premte në terren kanë zbritur 24 vëzhgues afatgjatë në 12 qarqet e vendit, të cilët po monitorojnë nga afër organizimin e zgjedhjeve, ndërsa shton se pret nga KQZ implementimin e të gjitha ndryshimeve që janë në fuqi.

?Shumë prej rekomandimeve tona nga zgjedhjet e shkuara janë marrë në konsideratë duke ndryshuar legjislacionit natyrisht jo të gjitha. Tani na duhet të shikojmë se si do të zbatohen në praktikë dhe a do të mundet KQZ të jetë në gjendje të zbatojë gjithë këto ndryshime sikurse votuesit sa të mirë-informuar do të jenë të votojnë pasi do të përballen me një fletëvotimi krejt ndryshe nga ato në të shkuarën. Që prej të premtes ne kemi në terren 24 vëzhgues afatgjatë në të dymbëdhjetë qarqet për të parë organizimin lokal të zgjedhjeve?, tha kryevëzhguesja për tch.

Urszula Gacek ka treguar më tej edhe çështjet kritike që mund të vërehen në terren nga vëzhguesit, mes të cilave ajo veçon financimet e fushatave elektorale, si burimet qeveritare përdoren apo keqpërdoren për fushatë.

?Ata ndjekin të gjithë procesin. Ne shikojmë financimet e fushatave elektorale, si burimet qeveritare përdoren apo keqpërdoren për fushatë. Ne do të shohim se çfarë bëhet drejtësisht këtu apo nëse do të ketë ndonjë lloj presioni tek votuesit. Të gjitha këto sipas të njëjtit standard ndërkombëtar njësoj si në SHBA në misionin tim të fundit e në Shqipëri tani, në Serbi vitin e shkuar apo Kazikistan kudo ne jemi?, tha ajo./CNA.al