E fundit!

14:31 Qyteti im

Në "zemër" të Devollit me kryebashkiakun Duro/ Historia, natyra dhe turizmi i së ardhmes

CNA TV udhëton drejt Devollit, një prej zonave më të veçan...

Bardhi apel nga Cërriku/ "Ndryshimi do të vijë përmes të rinjeve”

27 Mars 2021, 18:44, Politikë CNA

Drejtuesi Politik i PD për Elbasanin, Gazment Bardhi në një takim me të rinjtë e Molalsit në Cërrik, ndau idetë për politikën dhe angazhimet që opozita ka marrë.

Bardhi apeloi të rinjtë të mos largohen nga vendi sepse nëse ata largohen Shqipëria do të marrë fund.

?Besoj fuqimisht se ndryshimi do të vijë përmes angazhimit të të rinjve. E di që pjesa dërrmuese prej jush e kanë humb besimin që në Shqipëri mund të jetohet, apo se keni dilema, të rrini këtu apo të ikni. Ne nuk jemi një vend i humbur në një cep të botës, por kemi shumë pasuri dhe potencial për t?i krijuar çdo të riu një mundësi, një perspektivë.

Shiheni 25 prillin jo si beteje politike mes partive, por si moment të rëndësishëm ku ju vendosni për fatin tuaj personal, për fatin e familjeve tuaja dhe gjithë Shqipërisë. Prandaj apeli im është, mos mendoni ikjen. Nëse ikim ne, do lëmë këtu ata që bëjnë zullume dhe e trajtojnë Shqipërinë si plaçkë?- u shpreh Bardhi.

Sipas Bardhit duhet të vendoset standardi, që kush nuk punon, të ndëshkohet me votë.

?Ne kemi shumë gjëra në dorë nëse jemi të bashkuar. Do të jem krah jush për të realizuar angazhimet, dhe ju të qëndroni si çekiç mbi kokë për mua dhe për gjithë ekipin e PD e për çdo politikan që merr besim nga ju për të bërë realitet ndryshimin. Mos rrini të tërhequr, me mendimin se nuk keni gjë në dorë. Ne e kemi në dorë, ju e keni në dorë, për të ndëshkuar një model që ka marrë shumë votë e mbështetje edhe këtu në Cërrik në gjithë këto vite e nuk ka bërë asnjë punë, dhe për t?i dhënë kështu një mesazh çdo politikani që nëse nuk punon e nuk mban fjalën, ndëshkohet me votë. Nuk është punë të dalësh gjithë ditën në televizion e të shash opozitën. Duhet të bësh një bilanc, çfarë i premtove njerëzve, dhe pse nuk i ke bërë. Mjafton kjo të shohësh realitetin kudo në çdo rrugë e dyqan. Ne s?do të zgjidhim çdo problem, por do jemi në krah të njerëzve. I kanë varfëruar në skaj me idenë për t?u blerë dinjitetin?- tha Bardhi./CNA.al