web counter
LEXO PA REKLAMA!

SHKARKO APP

App Store
Google Play

E fundit!

x

Situata e Covid në Kosovë/ OBSH: Shifra shqetësuese, po ballafaqohemi me një fazë të re

27 Mars 2021, 20:36, Kosova & Bota CNA

Situata nga Covid 19 është bërë shqetësuese, sidomos kohët e fundit.  Organizata Botërore e Shëndetësisë në Kosovë shprehet se vendi po ballafaqohet me një fazë të re të Covid-19.

Në Kosovë prej një jave kanë ndërruar jetë 70 persona dhe 4882 janë të infektuar.

Kjo rritje e vdekshmërisë dhe infektimeve mbetet e frikshme jo vetëm për qytetarët, por edhe për bluzat e bardha. Kështu është shprehur edhe infektologu Hamdi Ramadani, ku ka theksuar se gjendja nga covid është në buzën e limitit.

?Kjo rritje e trendit të sëmurëve si në aspektin e sëmundjes, ashtu edhe numri i rasteve po tregon që gjendjen e kemi të keqe, gjendjen e kemi të rëndë dhe kapacitetet spitalore për mjekimin e rasteve me indikacione mjekësore për trajtim, veç bazuar në të dhënat e ditëve të fundit, është në buzën e limitit. Klinika Infektive nga dje nuk e ka asnjë shtrat të lirë për t?i pranuar rastet e nevojshme?-  tha Ramadani për RTV21.

Sipas dokotoreshës Isme Humolli, vendi është duke kaluar fazën e tretë dhe të katërt të sëmundjes.

?Rritja e numrit të rasteve është kryekëput lëvizje natyrale e sëmundjes e cila ka ngritjet dhe rëniet e veta. Edhe shtetet e rajonit edhe Kosova është duke kaluar në fazën e tretë dhe të katërt të sëmundjes?-  tha Isme Humolli./ CNA.al





Lajmet e fundit nga