web counter
LEXO PA REKLAMA!

SHKARKO APP

App Store
Google Play

E fundit!

x

I alkoolizuar nga trishtimi për të ëmën, gjendja e Ronaldinjos alarmon Brazilin

18 Mars 2021, 18:38, Sport CNA

Deri pak vite më parë, Ronaldinjo lumturonte të gjithë Brazilin me paraqitjet e tij dhe futbollin spektakolar që dhuronte. Por buzëqeshja që e shoqëronte pas çdo lëvizje spektakolare tashmë është zhdukur dhe i ka lënë vend trishtimit për vdekjen e të ëmës si pasojë e COVID-19. Një ngjarje tragjike, që ka zhytur ish-futbollistin në trishtim dhe praktikisht po e kthen në një të alkoolizuar, pasi ai po gjen ngushëllim vetëm te pija.

Këtë e ka konfirmuar për të përditshmen sportive braziliane ?Lance? një nga miqtë e tij, i cili ka treguar se tashmë Ronaldinjo kalon ditët në shoqëri aspak të mbarë dhe thuajse gjithë kohën nën efektin e alkoolit për të harruar tragjedinë që përjetoi Miguelina Eloi Asis dos Santos, e cila u nda nga jeta pas dy muajve betejë me COVID-19.

?Çdo ditë duket si një festë. Ronaldinjo fillon të pijë në mëngjes, vodka, uiski apo xhin dhe vetëm ndalon në mëngjesin e nesërm. Nuk është një problem që ka filluar tani, por e kemi vënë re se është bërë gjithçka më intensive që kur i vdiq e ëma?, shpjegoi miku i Ronaldinjos për të përditshmen braziliane.

Një lajm që të tronditur Brazilin me tifozët e shumtë të cilët u kanë kërkuar atyre që ishin miqtë e tij në kombëtaren e Brazilit, emra si Ronaldo, Roberto Karlos e Kaka, që të ndërhyjnë për të ndihmuar futbollistin, i cili ka filluar një spiral shkatërrimtar që kur la futbollin e luajtur, me probleme të shumta me drejtësinë.





Lajmet e fundit nga