web counter
LEXO PA REKLAMA!

SHKARKO APP

App Store
Google Play

E fundit!

x

KQZ i shkurtoi listat/ Reagon PD: Vendim i paligjshëm, i diktuar nga interesat politike

17 Mars 2021, 19:44, Politikë CNA

Partia Demokratike ka reaguar pasi Komisioni Qendror i Zgjedhjeve vendosi të shkurtojë listën e kandidatëve për deputetë të Aleancës për Ndryshim.

PD e Lulzim Bashës e cilëson këtë vendim të KQZ-së si të padrejtë, të paligjshëm dhe të diktuar nga interesat politike të maxhorancës, ndërsa thekson se do ta ankimojë.

Sipas PD-së, rregullat janë të njëanshme dhe synojnë që të lënë të lënë të papërfaqësuara parti të cilat përfaqësojnë shtresa të ndryshme shoqërore dhe komunitete të caktuara, veçanërisht minoritetet.

?Vendimi i sotëm i KQZ për mosregjistrimin e plotë të listave të koalicionit është një vendim i padrejtë dhe i paligjshëm, i diktuar nga interesat politike të maxhorancës.

Pasi ndryshoi rregullat e lojës në mënyrë të njëanshme, maxhoranca synon të imponojë rregulla të tjera, të cilat pamundësojnë përfaqësimin e plotë dhe të drejtë të të gjitha partive përbërëse të koalicionit tonë. Këto rregulla të njëanshme synojnë që të lënë të lënë të papërfaqësuara parti të cilat përfaqësojnë shtresa të ndryshme shoqërore dhe komunitete të caktuara, veçanërisht minoritetet.

Asnjë vendimarrje e tillë nuk ka për të penguar koalicionin tonë që të garojë me potencialin e tij të plotë, njerëzor dhe programor. Kjo vendimarrje, si të gjitha vendimarrjet e padrejta, do të ankimohet menjëherë nga ana jonë në të gjitha shkallët ankimore.

Asgjë nuk do të na ndalojë të sjellim ndryshimin në Shqipëri me njerëzit tanë të mrekullueshëm, që kanë nevojë dhe e duan kaq shumë ndryshimin! Ne do ta bëjmë të mundur këtë në datën 25 Prill me ndihmën e të gjithë shqiptarëve?, thuhet në deklaratë./ CNA.al

Basha gabon sërish në matematikë/ KQZ i shkurton listat e kandidatëve





Lajmet e fundit nga