E fundit!

19:42 Aktualitet

52 ditë protestë kundër qeverisë/ Qytetarët marshojnë drejt Kryeministrisë

Në sheshin “Skënderbej” janë grumbulluar qytetarët për pro...

Skënder Brataj kritika partive politike/ Të gjitha i kanë shkelur rregullat anti-Covid

17 Mars 2021, 18:53, Politikë CNA

Drejtor i Përgjithshëm i Qendrës Kombëtare të Urgjencës Mjekësore, Skënder Brataj u shpreh kritik ndaj partitive politike, të cilat sipas tij kanë shkelur rregullat anti-Covid. Ai thekson se sjelljet e tyre dhe tubimet pa asnjë përgjegjësi do të ndikojë në rritjen e infektimeve në popullatë.

?Një nga shkaqet kryesorë të përhapjes së infeksionit me shpejtësie më të madhe. Kjo është shume e rrezikshme në këtë moment, kur ne e dimë prezencën e mutacioneve të reja, atij anglez në Shqipëri. Njerëzit duhet ta marrin parasysh se nuk kursen askënd, as vetë politikanët. Unë shpeshherë vetë e bëj batutë: Kush është lista, kush nuk është lista, askush nuk e di se kush shkon deri më 25 prill, sepse askush nuk e di, por nuk mund të heqësh përgjegjësinë e një organizimi sepse dihet se kur një parti bën një miting nuk mund të jetë indiferente dhe dihet shkaku. Është forca politike që e organizon atë dhe këtu nuk përjashtohet asnjë. Të gjitha partitë politike i kanë shkelur rregullat?, tha ai.

Përballë gazetares Bruna Çifligu, mjeku Brataj u bëri apele bizneseve të tregohen të përgjegjshëm dhe të zbatojnë masat, pasi në të kundërt gjendja e pandemisë Covid-19 tha ai rrezikon të dalë jashtë kontrollit.

?Nuk është përgjegjësi vetëm e institucioneve, të gjitha bizneset, transporti publik po nuk u ndërgjegjësuan është e kotë. Ne nuk mund të rrimë roje në çdo derë lokali. Qytetari duhet të ndërgjegjësohet, sepse po humbasin jetë njerëzish dhe po prek nga të gjitha fashat dhe të gjitha moshat. Kjo sëmundje ka marrë përmasa aq të mëdha dhe nuk është çudi se do ta kemi herë pas herë?, theksoi ai.

Lidhur me dyshimet mbi vaksinën AstraZeneca, Brataj tha se kjo është një luftë për konkurrencë dhe deri tani u shpreh se nuk ka evidenca se vaksina është e rrezikshme. Ai u bëri apel qytetarëve të mos kenë frikë, por të pranojnë injektimin e dozës së kësaj vaksine.

?Luftë për konkurrencë. Vaksina nuk ka rrezik. Kjo është luftë që ekziston, është e kotë të fshihemi. E dyta, nuk ka numër trombozash më të madhe se Pfizer, Biontech apo Moderna. Nuk ka një numër më të madh. Vetëm në Angli janë 11 milionë vaksina AstraZeneca të kryera. Unë do t?i këshilloja ta bënin pa pikën e hezitimit për arsye se rreziku është shumë i pakët. Po bëjmë katër apo pesë ditë dhe nuk kemi ndonjë rast?, u shpreh mjeku./ Euronews Albania