web counter
LEXO PA REKLAMA!

SHKARKO APP

App Store
Google Play

Champions League/ Bayerni nuk e diskuton kualifikimin, Chelsea eliminon Atleticon e Madridit

17 Mars 2021, 21:59, Sport CNA

BAYERN-LAZIO 2-1

Ashtu siç pritej, Bayern Munich është kualifikuar në çerekfinalen e Ligës së Kampionëve. Pasi fituan me rezultat 1 ? 4 në ndeshjen e parë, ?Bavarezët? e kryen punën edhe si vendas duke triumfuar me rezultat 2 ? 1. Ishte sulmuesi Vedat Muriqi që shkaktoi penallti në pjesën e parë, pasi kapi për fanellë Goretzkan dhe nga pika e bardhë u tregua i saktë Robert Lewandowski (33?). Ndërsa, fitoren e vulosi Choupo-Moting në pjesën e dytë pas asistimit të bukur të David Alabas (73?). E gjitha që mundi të bënte Lazio ishte goli i nderit që e realizoi Parolo (82?). Muriqi nga ana tjetër ishte në fushë për 55 minuta. Me këtë fitore, Bayern kualifikohet në çerekfinale dhe pas hedhjes së shortit që bëhet të premten do mësojë kundërshtarin.

CHELSEA-ATLETICO MADRID 2-0

Chelsea ka fituar edhe në ndeshjen kthyese ndaj Atletico Madridit. Skuadra e drejtuar nga Thomas Tuchel triumfoi me rezultat 2 ? 0. Ishte goli i Hakim Ziyech që zhbllokoi rezultatin. Maroku pranoi një top të bukur nga Timo Werner dhe në mënyrë fenomenale e dërgoi në portën e Jan Oblak (34?). Ndërsa, i sapo inkuadruari Emerson vulosi fitoren në fundin e ndeshjes (90+5). Kësisoj, Chelsea me rezultat të përgjithshëm 3 ? 0, kualifikohet në çerekfinalen e Ligës së Kampionëve. Gjiganti anglez kundërshtarin e radhës do ta mësojë pasi hedhjes së shortit këtë të premte.





Lajmet e fundit nga