web counter
LEXO PA REKLAMA!

SHKARKO APP

App Store
Google Play

E fundit!

x

“Mandati më i jashtëzakonshëm”/ Rama: Tërmeti dhe pandemia do kishin rrëzuar edhe elefantin

5 Mars 2021, 09:22, Politikë CNA

Kryeministri Edi Rama është ndalur sot tek procesi i rindërtimit dhe planet për të ardhmen.

Gjatë fjalës së tij, Rama theksoi se ky mandat ka qenë më i jashtëzakonshmi i një qeverie shqiptare pasi është thyer në mes nga tërmeti dhe pandemia. Ai shprehet se kanë qenë dy goditje që do kishin rrëzuar përtokë një elefant dhe jo një qeveri të Shqipërisë me fuqitë dhe mjetet që ka.

?Shumë shpejt mësova që diku pranë në Durrës tërmeti i 26 Nëntorit kishte goditure shumë fort dhe minutë pas minuti informacioni shtrihej. Sot ku jemi në rrugën drejt 25 Prillit dhe shumëkush flet për 8 vite unë dëshiroj të bëj një korrigjim me thonjëza ose pa thonjëza. Nuk janë ende 8 vite. Kemi hyrë në zyrë në gjysmën e dytë të shtatorit 2013, por ky jo vetëm kaq. Ky mandat ka qenë më i jashtëzakonshmi i një qeverie shqiptare pasi është thyer në mes nga tërmeti dhe pandemia duke përmbysur planet tona dhe prioritetet tona dhe duke e kthyer vëmendjen në dy drejtime që na kanë vënë përballë dy sfidave të jashtëzakonshme. E them pa modesti. Ka qenë dy goditje që do kishin rrëzuar përtokë një elefant dhe jo një qeveri të Shqipërisë me fuqitë dhe mjetet që ka. Ju i njihni të tjerët. Nuk do mund t?i përballonte me forcën dhe vullneti që po i përballojmë ne. Realisht kur i jam përgjigjur duke i nxjerrë edhe nga dheu, pyetjes së bërë nga një gazetare se ku do i gjesh paratë ka qenë një fjalë e dalë nga zemra por një fjalë që mendja nuk arrinte ta mbështeste në argumente”, u shpreh Rama./CNA.al





Lajmet e fundit nga