web counter
LEXO PA REKLAMA!

SHKARKO APP

App Store
Google Play

Adri Nurellari: Problemi i madh që Rama i ka shkaktuar opozitës me ndryshimin e Kodit Zgjedhor

4 Mars 2021, 21:20, Politikë CNA

Politologu Adri Nurellari shpjegoi se arsyeja kryesore pse Edi Rama ka miratuar ndryshimet në sistemin zgjedhor, duke thënë se fut në trazirë opozitën. Sipas tij ky sistem me lista të hapura, nxit garën brenda partisë dhe kandidatët nuk luftojnë për të shtuar votat për vetë partinë.

?Ky sistem e ka futur në trazirë të brendshme opozitën, që hyn në garë shumë me vonesë por ka edhe një element tjetër. Ka të bëjë me konkurrimin dhe garën se si bëhet në terren. Në sistemin e mëparshëm duke qenë se ishte me renditje fikse në listë, objektivi kryesor i gjithë ekipit ishte si të shtonte votat e partisë, duke targetuar të lëkundurit dhe zonën gri?, tha ai.

?Tani, PS shqetësimin kryesor e ka që zona gri të mos trazohet dhe të mos dalin në votim, ndërsa ata të partisë i ka të garantuar se nesër i heq nga puna. Problemi më i madh është i opozitës. Ky sistem në vend që t?i shtyjë kandidatët që të marrin sa më shumë vota për partinë siç ka qenë më përpara, detyrohen që të garojnë për votat e brendshme. Në vend që kandidatët të garojnë për të zgjeruar bazën, luftojnë për votat e tyre. Zgjidhja është nëse përzgjidhen për kandidatë figura shumë popullore dhe nuk kanë nevojë që të shkojnë në terren për të bërë kompromise?, tha z. Nurellari.

Prej vitit 2009, në Shqipëri është në funksion sistemi zgjedhor proporcional rajonal, ku vendi është i ndarë në 12 qarqe. Me ndryshimet e fundit e bëra në mënyrë të njëanshme nga Partia Socialiste në Kushtetutën e vendit dhe Kodin Zgjedhor, u fut elementi i listave të hapura.

Në thelb përveç se ndalon konkurrimin në një koalicion me disa lista, duket se do të shkaktojë dhe një luftë brenda partisë pasi asnjë kandidat pavarësisht se do të renditet në listën e vendeve të sigurta fituese, mandatin nuk do ta ketë kurrë të garantuar pasi vota preferenciale mund të përmbysë gjithçka./euronews





Lajmet e fundit nga