web counter
LEXO PA REKLAMA!

SHKARKO APP

App Store
Google Play

E fundit!

x

Kaos te Vllaznia/ Futbollistët nuk paguhen prej muajsh

5 Mars 2021, 07:43, Sport CNA

Në Shkodër po ?zien? për ankandin që do të zhvillohet më 9 mars për shitjen e 100 % të aksioneve të Vllaznisë. Pas reagimit të pak ditëve më parë nga ishpresidenti Valter Fushaj, i cili ankohej për kriteret e vendosura, duke i cilësuar në kundërshtim me ligjet në fuqi, dje ka komentuar situatën edhe vetë kryetarja e Këshillit Bashkiak të Shkodrës Brisela Kadija.

Në një postim të bërë në faqen e saj zyrtare në ?Facebook?, numri një i Këshillit Bashkiak thekson ndër të tjera se lojtarët e Vllaznisë kanë muaj pa u paguar. Ajo i kujton kryebashkiakes Voltana Ademi diskutimin për një fond të veçantë që duhej për të mbuluar nevojat e klubit, në mënyrë që Vllaznia të ruante performancën.

Nga burime në klub mësohet se lojtarët janë futur në muajin e tretë që nuk marrin rrogën, por gjithsesi vonesat nuk janë diçka e re te Vllaznia, pasi gjithnjë ka pasur probleme. Megjithatë, tashmë është fakt se kanë nisur përplasjet në bashki, duke qenë se më 9 mars do të hapen edhe ofertat për shitjen e aksioneve të Vllaznisë.

REAGIMI

?Duke marrë shkas nga disa deklarata në media, e ndiej për detyrë të sqaroj opinionin publik, në emër të Këshillit Bashkiak, institucionin të cilin përfaqësoj. Askush nuk mund të pretendojë t?i drejtohet Këshillit për çështje që nuk janë tagër i tij. Këshilli Bashkiak Shkodër i ka çelur dritën jeshile procesit të privatizimit të K.F. Vllaznia sh.a. duke realizuar një vullnet dhe objektiv primar të tijin si organ vendimmarrës lokal ,por edhe si asamble e përgjithshme e Vllaznisë. Njëkohësisht ka plotësuar edhe detyrimin ligjor me ligjin e ndryshuar për sportin, por edhe dëshirën e shumë qytetarëve shkodranë, sportdashës apo jo. Pse nuk u shqetësua askush të mbronte vendimin në momentin që këshilli:

1. Vendosi t?i linte kohë Bashkisë Shkodër të rregullonte pasqyrat financiare?

2. Bëri thirrje të vazhdueshme Bashkisë Shkodër të sillte buxhetin e KF për ta miratuar në asamble?

3. Vendosi të merrte një të drejtë sipas ligjit 9901 për të emëruar Këshillin Mbikëqyrës të KF, i cili ishte inekzistent edhe ne letër që në dhjetor 2018? Pse nuk u shqetësua askush kur kryetarja e bashkisë i mori, pa asnjë të drejtë, Këshillit Bashkiak të gjitha të drejtat e Asamblesë? Pse nuk u shqetësua askush të vëzhgonte se si po procedonte padia gjyqësore që KB ngriti ndaj kryetares së bashkisë?

Kushdo që mund të ketë ankesa në lidhje me procesin e ankandit, që ndër të tjera është një proces teknik, mundet fare mirë t?i drejtohet:

1. Kryetarit të bashkisë që ka ngritur komisionin e ankandit;

2. Komisionit të ankandit për kritere shtesë të pretenduara.

3. Komisioni kompetent ankimor pranë Agjencisë së Prokurimit Publik. Së fundi, pse nuk shqetësohet askush për zërat që qarkullojnë me tone të ulëta që sportistët kanë muaj pa marrë pagat, ndërkohë që ne si Këshill Bashkiak i kemi shprehur që në nëntor 2020, kryetares së bashkisë vullnetin e mirë për të alokuar fond të veçantë për të mbuluar nevojat e KF në mënyrë që klubi të ketë stimul të ruajë performancën dhe mbarëvajtjen?

Nëse nuk do të kishte qenë vullneti dhe integriteti në fjalë, KF Vllaznia nuk do kishte marrë as shansin për privatizim por do zvarritej!?, shkruhej në reagimin e kryetares Brisela Kadija.





Lajmet e fundit nga