web counter
LEXO PA REKLAMA!

SHKARKO APP

App Store
Google Play

E fundit!

x

Mbërrijnë 8190 doza vaksinash/ Rama tregon objektivin e qeverisë

22 Shkurt 2021, 18:44, Politikë CNA

Kryeministri Edi Rama, së bashku me ministren e Shëndetësisë Ogerta Manastirliu dhe ministrin për Rindërtimin Arben Ahmetaj po zhvillojnë një konferencë nga Aeroporti i Rinasit, ku kanë mbërritur 8190 doza të tjera vaksinash.

Nga aty Rama tha se lufta për të siguruar dozat e vaksinave ka qenë shumë e vështirë, ndërsa shtoi se procesi i vaksinimit do të vazhdojë në të gjithë territorin për bluzat e bardha dhe tek shtëpia e të moshuarve.

Kryeministri ka treguar edhe objektivin që ka qeveria, duke thënë se synojnë që të përfundojnë vaksinimin e të gjithë popullatës brenda 14 muajve.

?Vijojnë furnizimet me vaksina Pfizer dhe vaksinimi do të vazhdojë në të gjithë vendin për bluzat e bardha.

Lufta për të siguruar dozat e vaksinave ka qenë shumë e vështirë.

Do vijojmë me vaksinime edhe në shtëpinë e të moshuarve. Objektivi i 14 muajve është shumë ambicion në bazë të kushteve që ndodhemi. Lufta për të siguruar vaksinat është shumë e vështirë, por ne nuk hyjmë te ata që ne dorëzohemi. Situata tani është që vazhdojmë furnizimin me vaksinat Pfizer. Jemi ende duke vazhduar me vaksninim e të moshurve në shtëpitë e të moshuarve si dhe kemi filluar vaksinimin me të moshuarit mbi 80-vjec.

Ndërkohë jemi në komunikim me dy shtete për më shumë vaksina dhe shumë shpejt do të kemi lajme. Jemi në përpjekje të vazhdueshme për të mos ulur ritmin dhe tjetër që dua të them është që nga të dhënat e autoriteteve të shëndetësisë nuk kemi pasur asnjë rast apo shqetësim nga personat e vaksinuar. Nga eksperienca ime personale antitrupat zhvillohen në mënyrë shumë mbresëlënëse. Kjo është pasqyra e deri më tanishme?, tha Rama./CNA.al





Lajmet e fundit nga