E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Balla “ia plas” Bashës në fytyrë/ Tregon për lidhjet e tij me kompanitë off-shore

22 Shkurt 2021, 16:26, Politikë CNA

Kreu i Partisë Demokratike Lulzim Basha prezantoi sot planin për biznesin, ku u zotua se nuk do të lejojë asnjë operator off-shor në tendera, gara dhe koncesione.

Kreu demokrat është akuzuar për çështjen e lobimeve ruse, ku akuzat kanë të bëjnë me një shumë prej 650.000 dollarësh, të paguara në 2017 lobistit amerikan Nikolas Muzin për llogari të Partisë Demokratike, por këtë shumë PD nuk ka deklaruar asnjëherë se e zotëronte.

Por kreu i grupit socialist Taulant Balla i është përgjigjur deklaratave të Lulzim Bashës, duke deklaruar se gjuha shkon atje ku dhemb dhëmbi.

Për numrin dy të PS, Basha kërkoi falje dhe amnisti për kompanitë e tij offshore, duke shtuar se Basha ka përfituar nga ato një shërbim me fonde me burime të padeklaruara, e cila sipas tij është vepër penale dhe nuk do shpëtojë pa u zbardhur dhe ndëshkuar.

?Populli thotë me të drejtë se gjuha shkon ku dhemb dhëmbi. Kështu po i ndodh edhe Lulit. Pas sulmit kundër Drejtësisë së re, sot u duk se Lulzim Basha u orvat të kërkojë ?falje? apo ?amnisti? për kompanitë e tij off-shore?

Dosja kriminale ?Basha 675mijë dollarë? përmban dokumenta të publikuara në faqen zyrtare të Departamentit Amerikan të Drejtësisë (Akti i Rregjistrimit të Agjentëve të Huaj), ku janë vërtetuar lidhjet e Lulzim Bashës me një kompani off-shore.

-kontrata të firmosura nga Lulzim Basha me numër pashaporte diplomatike DB1159763

-Shërbime të faturuara në emër të Partisë Demokratike në shumën totale 675.000 dollarë

-Është deklaruar zyrtarisht se kompania guackë Biniatta Trade do të kompensojë/do të paguajë Muzin për shërbimet e ofruara në emër të Partisë Demokratike.

Është fakt që Lulzim Basha ka përfituar një shërbim me këto para të transferuara përmes një kompanie off-shore. Një shërbim i përfituar me fonde me burime të padeklaruara, është vepër penale dhe nuk do shpëtojë pa u zbardhur dhe ndërshkuar?, shkruan Balla.