LEXO PA REKLAMA!

SHKARKO APP

Skandalet e drejtësisë në Vetting/ Prokurori i dehur në seancë dhe me veshje joetike

4 Shkurt 2021, 14:18, Vetingu CNA
Skandalet e drejtësisë në Vetting/ Prokurori i dehur në

Tasim Puçi e ka ushtruar profesionin e prokurorit, sipas Këshillit të Lartë të Prokurorisë nga viti 2006 e në vazhdim.

Por sipas deklaratave të pasurisë, Puci e ka ushtruar profesionin e prokurorit që nga viti 2003, në Skrapar. Në kuadër të procesit të Vettingut, KLP ka analizuar tre dosjet e zgjedhura nga prokurori dhe pesë dosjet e zgjedhura me short dhe ka marrë parasysh të gjithë ankesat dhe vërejtjet për këtë prokuror, ndërsa ka shqyrtuar aftësitë profesionale.

Kujtojmë se prokurori Tasim Buci, më herët është ndëshkuar me ?vërejtje? nga KLP. Siç ka raportuar e përditshmja ?Panorama?, ai është akuzuar se ka shkuar në gjendje të dehur në një gjyq të zhvilluar në Berat, ndërsa në Tiranë në një proces të ndjekur prej tij, prokurori nuk ka respektuar solemnitetin në paraqitjen fizike të veshjes.

Gjithashtu prokurori Tasim Puci është denoncuar në vitin 2016 nga emisioni investigativ ?Stop?, me argumentin se në bashkëpunim me gjykatën iu kishin dhënë lirinë, dy shtetasve të akuzuar për trafik të lëndëve narkotike.

Dy shtetasit rezultonin të ishin të afërm të kryebashkiakut të Poliçanit, përkatësishtë vëllai dhe kunati. Nuk dihet se çfarë ka ndodhur më tej këtë rast dhe nëse kjo dosje do të shqyrtohet nga Vettingu. Pasi prej më shumë se një viti, prokurori Tasim Puci, ndodhet nën hetimet- Vetting.

Sa i përket pasurisë, e ardhura e vetme e prokurorit Tasim Puci është paga.

Më poshtë po sjellim pasurinë e deklaruar prej tij, bazuar në të dhënat e ILDKPKI-së.
Viti 2003
Deklarata e pasurisë së këtij viti është e palexueshme.

Viti 2004
Të ardhura të subjektit deklarues nga Prokuroria Skrapar, 97 713 lekë.

Viti 2005
Nuk deklaron asgjë.

Viti 2006
Automjet Benz Mercedez, me vlerë 250 000 lekë.
Të ardhura të subjektit deklarues si prokuror në Berat, 977 100 lekë.
Gjendja 15 000 lekë.

Viti 2007
Të ardhura të subjektit deklarues si prokuror në Berat,979 200 lekë.

Viti 2008
Nuk deklaron asgjë, as pagën.

Viti 2009
Të ardhura të subjektit deklarues si prokuror në Berat, 630 000 lekë.
Të ardhura të subjektit deklarues nga sigurimet shoqërore, raport për 4 muaj, 223 700 lekë.

Viti 2010
Të ardhura të subjektit deklarues si prokuror në Berat,1 081 012 lekë.

Viti 2011
Të ardhura të subjektit deklarues si prokuror në Berat,1 422 539 lekë.

Viti 2012
Automjet, me vlerë 500 000 lekë.
Të ardhura të subjektit deklarues si prokuror në Berat,1 444 966 lekë.

Viti 2013
Të ardhura të subjektit deklarues si prokuror në Berat,1 098 815 lekë.

Viti 2014
Të ardhura të subjektit deklarues si prokuror në Berat,1 370 957 lekë.

Viti 2015
Të ardhura të subjektit deklarues si prokuror në Berat,1 317 415 lekë.

Viti 2016
Të ardhura të subjektit deklarues si prokuror në Berat,1 308 246 lekë.

Viti 2017
Të ardhura të subjektit deklarues si prokuror në Berat,1 415 349 lekë.

Viti 2018
Të ardhura të subjektit deklarues si prokuror në Berat,1 509 563 lekë./CNA.al

Lajmet e fundit nga