Entoni Fauçi gënjeu mbi koronavirusin, për të manipuluar sjelljen e amerikanëve

31 Dhjetor 2020, 13:17, Blog CNA

Nga Marco Rubio ?Fox News?

Falë obsesionit që kanë mediat tona të lajmeve mbi presidentin Trump, pakkush i ka kushtuar vëmendje një interviste të rëndësishme që dr.Entoni Fauçi dha javën e kaluar, në të cilën ai pranoi se kishte gënjyer në mënyrë selektive për publikun amerikan mbikoronavirusin, dhe mbi atë që ishte e nevojshme për shërimin tonë kombëtar nga kjo sëmundje

Për pjesën më të madhe të këtij viti, dr.Fauçi dhe shkencëtarë të tjerë në institucionin tonë të shëndetit publik u kanë thënë amerikanëve se rreth 60-70 për qind e kombit kishte nevojë për një vaksinë në mënyrë që të arrijmë imunitetin e tufës dhe ta`mposhtim pandeminë e koronavirusit.
Por, duke folur për ?The New York Times?, dr.Fauçi e pranoi se tani beson se numri i vërtetë është në fakt dukshëm më i lartë – ndoshta 75deri 90 për qind – dhe ai nuk pranoi të ishte i sinqertë pasi e ndjeu se vendi nuk ishte gati t`a dëgjonte. Vetëm tani ai thotë se ndjen se ka lirinë për t`a thënë këtë pa e dekurajuar kombin.

Unë jam i sigurt se dr.Fauçi – drejtori i Institutit Kombëtar të Alergjisë dhe Sëmundjeve Infektive – mori vendimin për të na mashtruar pa pasur asgjë tjetër përveç qëllimeve të mira. Gjithsesi, le të jemi të qartë mbi atë që po bënte ai:gënjeu popullin amerikan, në mënyrë që të manipulonte sjelljen e tij. Populli Amerikan meriton të dijë të vërtetën; ai meriton gjithashtu të kërkojë llogari. Kur përfaqësuesit e zgjedhur marrin vendime, ata mund të bëhen përgjegjës ndaj publikut. Por kur zyrtarët e shëndetit publik me dekada përvojë dhe udhëheqje brenda institucioneve të kombit tonë sabotojnë procesin politik dhe i marrin vetë këto vendime, ata i mohojnë popullit amerikan të njëjtën mundësi.
Mbi të gjitha, llogaridhënia është një parim qendror i qeverisë përfaqësuese. Ajo është mënyra më e mirë, për t?u siguruar që vizioni i asaj që po zbatohet nga vendimmarrësit, të përputhet me vlerat e popullsisë që i ka zgjedhur ata.

Gjatë vitit që po mbyllet, është dashur të bëhen zgjedhje të vështira:Si t?i ndajmë pajisjet e pakta mbrojtëse për mjekët dhe infermierët? A është e sigurt të luhet një lojë futbolli në shkollën e mesme?

Cilët duhet të kenë përparësi gjatë shpërndarjes së vaksinave?

Ato nuk janë pyetje të lehta, por njerëzve duhet t?u besohet qët?i marrin këto vendime ?të armatosur? me fakte të paraqitura me sinqeritet nga zyrtarët publikë. Dhe kur është koha për të marrë vendime si një komunitet, zyrtarët e zgjedhur në çdo nivel të qeverisjes duhet të drejtojnë. Kalimi i barrës tek teknokratët e pazgjedhur e shmang llogaridhënien, dhe kjo do të thotë të bësh 2 gabime:së pari, që shkenca na jep një manual të drejtpërdrejtë për t?iu përgjigjur pyetjeve me të cilat përballen vendimmarrësit; dhe së dyti, që ata teknokratë janë interpretuesit e vetëm legjitimë të fakteve.

Siç e ka bërë të qartë pandemia e Covid-19, gjërat nuk bëhen kurrë aq të qarta. Për shembull, në fillim të pandemisë, ekzistonte një pikëpyetje nëse mbajtja e një maske, mund të ishte një mjet efektiv për të ndaluar përhapjen e virusit. Në muajin mars, dr.Fauçi tha ?nuk ka asnjë arsye për të ecur me një maskë në fytyrë? dhe paralajmëroi se mbajtja e tyre ?ka pasoja të padëshirueshme?. Ai udhëzim ishte në atë kohës çoroditës dhe shumë shpejt u politizua.

Por disa nga njerëzit e parë që morën vendime jo të bazuara në shkencë, ishin shkencëtarët të cilët, siç e pranoi Dr.Fauçi qershorin e kaluar, vendosën në fillim të mos rekomandonin përdorimin e maskave për publikun e gjerë, pasi dyshohej se ?shqetësoheshin se pajisjet mbrojtëse personale, përfshirë maskat N95 dhe maskat kirurgjikale, ishin të pakta në dispozicion dhe duheshin më shumë për personelin e spitaleve?.

Çështja është që të mos ndalojmë së besuari udhëzimet e autoriteteve të shëndetit publik. Të mposhtësh koronavirusin, do të thotë të bashkohesh si komb, dhe të vazhdosh të bësh sakrifica për të zvogëluar përhapjen e tij, pasi gjithnjë e më shumë amerikanë po vaksinohen falë Operacionit ?Warp Speed? të administratës Trump.

Por kjo do të thotë seedhe besimi i verbër tek shkencëtarët e famshëm të pazgjedhur, ka kufijtë e vet, dhe ne nuk duhet të kemi frikë që t?i kritikojmë ata kur kapen duke e tejkaluar autoritetin e tyre legjitim. Unë nuk vë në dyshim motivet e dr.Fauçit.

Besoj se ato janë fisnike, por personalisht jam i tmerruar nga arroganca e tij. Nëse ai dëshiron të udhëheqë kombin, atëherë lë të kandidojë për president. Përndryshe, ai duhet të na japë një lexim të sinqertë dhe transparent të shkencës, jo të dhëna sondazhesh, dhe le të na e lërë ne të tjerëve – politikë-bërësit dhe popullin amerikan që i ka zgjedhur – të bëjmë punën tonë./Përshtatur nga CNA.al

Shënim:Marco Rubio, është senator i Partisë Republikane në SHBA.

Burimi: https://www.foxnews.com/opinion/dr-anthony-fauci-coronavirus-marco-rubio