E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Studimi/ Presioni i lartë i gjakut në çdo moshë, dobëson aftësitë njohëse të njeriut

29 Dhjetor 2020, 08:45, Lifestyle CNA

Sipas një studimi më të fundit botuar në revistën ?Hypertension?,presioni i lartë i gjakut duket se përshpejton një rënie të performancës njohëse tek të rriturit e moshës së mesme dhe ata të moshuar. Gati gjysma e të rriturve amerikanë vuajnë nga presioni i l i gjakut apo hipertensioni.

Dhe pasja e kësaj sëmundje, është një faktor rreziku për rënien e aftësive njohëse, që përfshijnë gjëra të tilla si kujtesa, rrjedhshmëria verbale, vëmendja dhe përqendrimi. Presioni sistolik mbi 130 mmHg, ose presioni diastolik prej mbi 80 mmHg ose më i lartë konsiderohet hipertension.

?Ne e kishim parashikuar paraprakisht që efektet negative të hipertensionit në funksionin njohës do të ishin më të rënda, kur sëmundja e hipertensionit niste që në moshë më të re. Por rezultatet tona tregojnë rënie të ngjashme të përshpejtuar të performancës njohëse edhe nëse hipertensioni nis në moshën e mesme apo nëmosha më të mëdha?- thotë autorja e studimit Sandi Barreto, profesoreshë e mjekësisë në Universidade Federal de Minas Gerais në Belo Horizonte, Brazil.

?Gjithashtu, ne zbuluam se trajtimi në mënyrë efektive i presionit të lartë të gjakut në çdo moshë, mund t`a zvogëlojë ose parandalojë këtë përshpejtim. Kolektivisht, zbulimet tona sugjerojnë që hipertensioni duhet të parandalohet, diagnostikohet dhe trajtohet në mënyrë efektive tek të rriturit e çdo moshe, për të ruajtur funksionin njohës?- thotë ai.

Barreto dhe kolegët e tij analizuan gjetjet nga një studim ekzistues që përfshinte të dhënat mbi presionin e gjakut dhe informacionin shëndetësor konjitiv të më shumë se 7.000 të rriturve në Brazil, mosha mesatare e të cilëve ishte rreth 59 vjeç në fillim të studimit. Pjesëmarrësit në studimit u vëzhguan mesatarisht për gati 4 vjet. Testimi përfshinte analizën e kujtesës, rrjedhshmërisë verbale dhe funksionit ekzekutiv, ku përfshihet vëmendja, përqendrimi dhe faktorë të tjerë që lidhen me të menduarit dhe arsyetimin.

Analiza e tyre zbuloi se presioni sistolik i gjakut midis 121 dhe 139 mmHg, apo presioni diastolik i gjakut midis 81 dhe 89 mmHg pa përdorim të ilaçeve anti-hipertensive, lidhej menjë rënie të përshpejtuar të performancës njohëse midis individëve të moshës së mesme dhe të moshuar.
Shpejtësia e kësaj rënie ndodhte pavarësisht nga kohëzgjatja e hipertensionit, gjë që do të thotë se ekzistenca e presionit të lartë të gjakut qoftë edhe për pak kohë, mund të ndikojë në shpejtësinë e rënies së aftësive njohëse të një personi.

Të rriturit me hipertension të pakontrolluar, kanë tendencën të kenë një dobësim të shpejtë të kujtesës dhe funksionit njohës global,ndryshe nga të rriturit që e kishin kontrolluar hipertensionin.

?Përveç përfitimeve të tjera të provuara të kontrollit të presionit të gjakut, rezultatet tona nxjerrin në pah rëndësinë e diagnostikimit dhe kontrollit të hipertensionit tek pacientët e çdo moshe, për të parandaluar apo ngadalësuar rënien e aftësive njohëse?-thekson Barreto.

Eksperti shton se ndonëse pjesëmarrësit në studim ishin nga Brazili, gjetjet e studimit janë të vlefshme edhe për vende të tjera të botës.
Studime më të hershme kanë treguar se sjellje të ngjashme jo të shëndetshme dhe faktorë të rrezikut, përfshirë hipertensionit, janë të zakonshme në zhvillimin e sëmundjeve kardiovaskulare në popullata të ndryshme në të gjithë globin./Përshtatur nga CNA.al