web counter
LEXO PA REKLAMA!

SHKARKO APP

App Store
Google Play

E fundit!

x

SPAK ankimon vendimin e gjykatës për Adriatik Llallën/ Shkollimi i fëmijëve jashtë shtetit fut në “sherr” institucionet e drejtësisë

22 Dhjetor 2020, 10:33, Aktualitet CNA

Prokuroria e Posaçme Kundër Korrupsionit dhe Krimit të Organizuar ka ankimuar në Apel vendimin që çoi në gjykim dosjen me të pandehur ish-Prokurorin e Përgjithshëm, Adriatik Llalla.

Nga SPAK mësohet se kundërshtimi nuk është për dërgimin e dosjes në gjyq, por vetëm për pikën e vendimit mbi një prej shpenzimeve të hetuara të ish-Kryeprokurorit.

Më konkretisht, bëhet fjalë për mosdeklarimin e saktë nga Llalla të shpenzimeve për shkollimin e një prej fëmijëve, për të cilën ai ka marrë gjobë nga ILDKP. Më konkretisht në lidhje me këtë rast, gjykata ka vlerësuar se derisa ka marrë një gjobë, Llalla sipas saj, nuk mund të procedohej penalisht për këtë moment.

Mirëpo në këtë linjë mendimi nuk ështe prokurori i çështjes Klodian Braho, i cili e SPAK, i është drejtuar Apelit të Posaçëm për të kundërshtuar qëndrimin e gjyqtares paraprake. Ndërkohë që ankimimi i kësaj pike ka bërë që të shtyjë edhe seancën ndaj Llallës e cila ishte caktuar për tu mbajtur gjatë kesaj së marte.

Gjykata e Posaçme e Shkallës së Parë pranoi kërkesën e SPAK për dërgimin në gjyq të ish-kryeprokurorit më 19 nëntor. Llalla do të ulet në bankën e të akuzuarve për akuzën e ?fshehjes dhe mosdeklarimit të pasurisëlë?, kryer ne tre raste, vepër për të cilën Kodi Penal parashikon dënim nga gjobë deri në 3 vite burg./CNA.al





Lajmet e fundit nga