web counter
LEXO PA REKLAMA!

SHKARKO APP

App Store
Google Play

E fundit!

x

Kufizimi i orarit të lëvizjes/ Imzot Frendo letër Rakacollit: Vendim i nxituar dhe diskriminues

22 Dhjetor 2020, 10:27, Sociale CNA

Kryetari i Konferencës Ipeshkvore të Shqipërisë, George Frendo i është drejtuar me nje letër, kryetares së Komitetit të Ekspertëve lidhur me masat e reja anti Covid.

Në letër thuhet se ndryshimi i parpitur i orareve të lëvizjes së njerëzve, që nis pikërisht Natën e Krishtlindjes, duket i nxituar dhe diskriminues ndaj komunitetit katolik, që është e vetmja Kishë e Krishterë që kremton lindjen e Krishtit netën.

?E Nderuar Zonja Rakacolli,
U njohëm me vendimin e ri të Komitetit të Ekspertëve të drejtuar prej jush, rreth kufizimit në kuadër të masave anti-COVID të marra nga qeveria shqiptare që ndalon qarkullimin e njerëzve pas orës 20.30, duke filluar nga data 24 dhjetor, pikërisht natën e Krishtlindjes.
Ne si Kishë Katolike kishim marrë të gjitha masat që të kremtonim meshët në orare të përshtatshme qysh prej datës 3 dhjetor 2020, sikurse do të shihni nga dokumenti bashkëngjitur. Në këtë dokument kemi vendosur që meshët të mbahen në orare që t?u lejojnë njerëzve të kthehen nëpër shtëpitë e tyre para orës 22.00. Ky ndryshim i papritur që nis pikërisht Natën e Krishtlindjes, na duket i nxituar dhe diskriminues ndaj komunitetit katolik, që është e vetmja Kishë e Krishterë që kremton lindjen e Krishtit netën. Sapo kishim njoftuar të gjithë besimtarët tanë dje, ditën e Diel, se mesha e Krishtlindjes do të kremtohej te enjtem në orën 20.00. Me kënaqësi do të kishim marrë pjesë në konsultim për një gjë të tillë. Duke ju uruar punë të mbarë ju përshëndes,
me nderime George Frendo O.P.
Kryetar i Konferencës Ipeshkvore të Shqipërisë?, thuhet në letër./CNA.al





Lajmet e fundit nga