web counter
LEXO PA REKLAMA!

SHKARKO APP

App Store
Google Play

SHÇBA nis hetimet për repartin “Shqiponja”/ Verifikon transferimin e efektivit që vrau Klodian Rashën

17 Dhjetor 2020, 16:35, Aktualitet CNA

Reparti i posaçëm i policisë ?Shqiponja?, ku bënte pjesë edhe efektivi Nevaldo Hajdaraj, është vënë nën hetim nga ShÇBA pas vrasjes së 25-vjeçarit Klodian Rasha.

Njëkohësisht me prokurorinë e Tiranës, ShÇBA ka nisur verifikimet për repartin ?Shqiponja?, lidhur me procedurat e pranimit të efektivëve në këtë strukturë.

Nga Ministria e Brendshme bëjnë me dije se pas ngjarjes hetimi administrativ është fokusuar tek zbatimi i procedurave nga ana e drejtorisë së Policisë së Tiranës për përzgjedhjen e efektivëve që emërohen në këtë repart.

Ndonëse objekt i punës së ShÇBA-së është hetimi i policisë,verifikimet janë fokusuar tek transferimi i efektivit të policisë Nevaldo Hajdaraj tek njësia ?Shqiponja?.

Shërbimi për Çështjet e Brendshme dhe Ankesat ka dyshime se mund të ketë pasur anashkalim të procedurave të kontrollit me transferimin e 31-vjeçarit Hajdari pranë njësisë ?Shqiponja?, pasi ai më herët shërbente tek komisariati nr.5 në Kamëz.

Transferimi i efektivit u krye vetëm 3 javë para se ti merrte jetën me armën e shërbimit, të riut Klodian Rasha.

Nisur nga vrasja e 8 dhjetorit, ShÇBA do të marrë shqyrtim dhe denoncimet e publikut lidhur me repartin special ?Shqiponja?./CNA.al





Lajmet e fundit nga