E fundit!

12:59 Politikë

“Nuk duhet të jem aty”/ Berisha: Prania ime dëmton fibrën më të fuqishme të protestës

Kryetari i Partisë Demokratike, Sali Berisha, ka deklaruar...

“I paska djegur ajo që kam thënë”/ Spaho replikon me Ahmetajn: Shqiptarët e dinë kush jannë hajdutët

17 Dhjetor 2020, 16:27, Politikë CNA

Nënkryetari i PD-së, Edmond Spaho ka replikuar pas fjalës së ministrit për Rindërtimin Arben Ahmetaj në foltoren e Kuvendit.

Ish deputeti theksoi se Ahmetajt i paska djegur shumë ajo që ai ka thënë për FMN, duke shtuar se shqiptarët e dinë shumë mirë se kush janë hajdutët e vërtetë.

Përmes një postimi në Facebook, Spaho shkruan se kjo është qeveria më e dështuar që ka vendi, duke iu referar raportit të FMN.

Postimi i plotë i Spahos

Ndoqa sot shpifjet qe me beri ne Parlament Arben Ahmetaj! I paska djegur shume ajo qe paskam thene per FMN, Edi Ramen dhe Arben Ahmetaj. Nuk kam genjyer. Thjesht i jam referuar asaj qe ka thene FMN, si qeveria me e deshtuar qe kane pasur ndonjehere shqiptaret.

Edhe per te tjerat nuk kam genjyer. Arben Ahmetaj perkthyes eshte, ate shkolle ka mbaruar. Nuk ka pse i vjen turp nga profesioni i tij, sepse perkthyesi eshte profesion I nderuar, pavaresisht se edhe ne kete fushe, ai nuk e ka ndritur. Ne te tjerat jo e jo.

Edhe Edi piktor eshte. Ka bere vetem ate shkolle dhe per pasionin e vet shkon deri ne Neë Jork per te blere bojra, ndersa policia vret qyyetaret, dhjetera te tjere vdesin ne dite dhe mijera te tjere jane pa kujdes.

Kur me akuzon mua si hajdut, ne Devoll fillojne e qeshin me te madhe, te majte e te djathte. Une nuk kam qene asnjehere ne jeten time deputet i Devollit.

Se kush eshte hajdut ne kete vend, shqiptaret e dine mjaft mire. Edhe une kam qene minister, por vazhdoj te rroj me dinjitet me page dhe ne apartamentin qe ka ndertuar Enti I Banesave ne vitin 1995 ne rrugen Don Bosko.

Shqiptaret njohin gjithashtu edhe se cilet jane komedianet e premtimeve te rreme e te pambajtura, qe i kane marre ne qafe. Komedia e Rilindjes me deshtimet e medha te Edi Rames apo Arben Ahmetajt, i kushton kaq shume Shqiperise dhe Shqiptareve.

Per gjithe sa Arben Ahmetaj tha per mua ne Parlament, do te shihemi ne gjykate per shpifje dhe fyerje.

FJALA E AHMETAJT

Kujtojmë që sot nga foltorja e Kuvendit, ministri Ahmetaj sulmoi gjatë fjalës së tij nënkryetarin e PD-së, Edmond Spaho. ?Boloria politike pretendon se biznesi i vogël është tkurrur, por sot janë gati 100 mijë biznese, 3 herë më shumë se në 2013. Pra, pyetja është a ka ndonjë vend ku ekonomia bie dhe biznesi i vogël rritet? Pyetja është retorike, le t?i japë përgjigje komediani Edmond Spaho, që nuk linte kusur me doganierët e Kapshticës. Nuk la pa vjedhur asnjë hajdut doganier të Kapshticës në 2009-13, që historia tregohet në Devoll, që kur shkonte Mond Spaho atje, llahtarisej i madh dhe i vogël dhe të gjithë familjet e doganierëve largoheshin në Greqi se do u mblidhte paratë. Shyqyr që shpëtoi Devolli dhe Kapshtica nga boloria e tij e përjavshme?./CNA.al