51 mijë euro në ditë për riciklimin e mbetjeve/ Këlliçi publikon pamjet: Paguajmë Erionin për të bërë punë por punën e bëjnë delet!

17 Dhjetor 2020, 12:47, Politikë CNA

Kreu i FRPD-së Belind Këlliçi, së bashku me disa të rinjtë shkuar sot në njesinë nr.6, në një nga zonat më të ndotura të Tiranës, ku ndodhet edhe lanfdilli i Sharrës, Incenertori i Tiranës, për të bërë pikërisht atë punë që duhet ta bëjë kryetari i bashkisë.

Këlliçi ka publikuar dhe një video, ku pasqyrohet dhe situata, shumë ndryshe nga videot 3D që na servis kryebashkiaku Erion Veliajt.

Me 51 mijë euro në ditë që paguajnë qytetarët e Tiranës për riciklimin e mbetjeve, Tirana do të ishte xixë, ajri do të ishte shumë herë më cilësor dhe shëndeti ynë nuk do të rrezikohej. Nuk do kishim delet për inceneratorë, thekson Këlliçi.

Delet punëmbaruara të Tiranës

Në Tiranë, plehrat janë tagji për bagëtitë.

Ironikisht në njësinë ku ndodhet landfilli i Sharës, në Kombinat, plehrat kutërbojnë, digjen ose konsumohen nga tufat e deleve, qumështi i të cilave përfundon në tryezat tona. E konsumojnë fëmijë e të rritur.

Paguajmë Erionin për të bërë punë por punën e bëjnë delet! Me 51 mijë euro në ditë që paguajnë qytetarët e Tiranës për riciklimin e mbetjeve, Tirana do të ishte xixë, ajri do të ishte shumë herë më cilësor dhe shëndeti ynë nuk do të rrezikohej. Nuk do kishim delet për inceneratorë.

Korrupsioni nuk të vret vetëm me plumb pas koke. Ai të ndot, të sëmur, të mbyt, me tymin e pisllëkun. Korrupsioni vret çdo ditë mushkëritë tona, me firmën dhe vulën e kryetarit të bashkisë. Si ata që nuk dalin pas orës 22:00 edhe të tjerët që hezitojnë të protestojnë për të drejtat e tyre, vrihen njëlloj nga ajri që thithin. Reagoni për jetën dhe shëndetin tuaj sa nuk është vonë! Se Erioni e ka të pjekur. Jeton në gjelbërim e i hipën avionit sa herë ka kollë.

Të rinjtë e FRPD organizuan një aksion pastrimi në këtë zonë. Se me prit bashkinë të bëjë punë, të shkon bari dy pëllëmbë!