Connect with Us

Ekskluzive/ Zbulohen të gjitha përplasjet e Sandër Lleshajt me Edi Ramën

Politikë

Ekskluzive/ Zbulohen të gjitha përplasjet e Sandër Lleshajt me Edi Ramën

Publikuar

-

Zbulohen të gjitha përplasjet e Sandër Lleshajt me Edi Ramën

Sot në orën 18, kryeministri Edi Rama, pas kthimit të tij nga SHBA dhe vizitës në familjen e Klodjan Rashës, i cili u ekzekutua dy ditë më parë nga patrulla e përgjithshme e policisë, ka mbajtur një qëndrim publik lidhur me ministrin e tij të Brendshëm.

Edi Rama ka thënë se Sandër Lleshaj ka dhënë dorëheqjen dhe ky i fundit ia ka pranuar në lidhje me ngjarjen e ndodhur dy ditë më parë, por edhe situatën kritike të krijuar pas protestave të filluara nga disa qindra të rinj.

CNA.al ka raportuar edhe më parë për përplasjet e Sandër Lleshajt, të cilat filluan të ktheheshin në konflikte të hapura me kryeministrin.

Janë të paktën 3 përballje të tyre, të cilat qarkullojnë lehtësisht nga informacionet politike në korridoret e socialistëve.

Skandali i denoncuar nga CNA.al/ Habit Lleshaj: BMW u ka kushtuar taksapaguesve shqiptarë 49 mijë euro, jam krenar

Së pari, është përplasja e kryeministrit, pak javë më parë, me ministrin e tij të Brendshëm, i cili ka përfunduar jashtë sallës së mbledhjeve të qeverisë. Pasi është zhvilluar një debat i ashpër, mësohet se kryeministri e ka nxjerrë jashtë Sandër Lleshajn, i cili është shprehur ka thënë se në rast se do të dilte nuk do të kthehej më në atë mbledhje.

Pak kohë më parë se të ndodhte ky incident, ka pasur një tjetër përplasje. Mësohet se kryeministri ka debatuar ashpër me ministrin e Brendshëm në lidhje me blerjen e BMW-së luksoze në kulmin e pandemisë, ku ministri i Brendshëm deklaronte se e kishte blerë vetëm 49 mijë euro, ndërkohë që fatura shkonte shumë më tepër dhe vlera që deklaronte Lleshaj ishte vetëm ajo e blerjes në fabrikë.

Bëhet me dije se para kësaj përplasje, Sandër Lleshaj ka pasur një rast tjetër që ka dhënë dorëheqjen te kryeministri, por ajo është refuzuar.

Pra, janë të paktën tre përplasje të forta të Ramës me ministrin e tij të Brendshëm, i cili me detyrë dikur një general ushtrie, u kthye në një kapter partie por duke mos mundur të ecte përpara dhe të zinte vend të fortë brenda socialistëve megjithëse ishte ministri më i rëndësishëm i qeverisë.

CNA.al ka mësuar gjithashtu se Lleshaj ka ikur turpësisht jo vetëm pas debateve me kryeministrin, por edhe për shkak të rezultateve të dobëta të Policisë së Shtetit, akteve të dhunës dhe së fundi duke përfunduar në një vrasje makabre të një djali të ri 25-vjeçar./ CNA.al

Dorëheqja e paralajmëruar nga CNA.al/ Flet Sandër Lleshaj: Plani im është që…

Sandër Lleshaj drejt dorëheqjes

CNA.al paralajmëroi shkarkimin/ Lleshaj e pranon: Nuk do të jem më ministër

Vrasja e Klodian Rashës/ Sandër Lleshaj jep dorëheqjen

Sandër Lleshaj mbyll kapitullin si ministër/ Dhashë dorëheqjen e parevokueshme

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Politikë

‘Medet për këtë popull çfarë politike mediokre i ka rënë për hise!’/ Lisander Hoxha del me reagimin e fortë

Publikuar

-

Nga

‘Medet për këtë popull çfarë politike mediokre i ka rënë për hise!’/ Lisander Hoxha del me reagimin e fortë

Ish-nënkryetari i Forumit Rinor të Partisë Demokratike, Lisandër Hoxha, ka dalë me një reagim në rrjetet sociale ku komenton situatën paszgjedhore.

Teksa kanë kaluar 11 ditët e para nëga zgjedhjet, ai shkruan se beteja kundër mendimit revizionist sapo ka filluar.

Medet për këtë popull çfarë politike mediokre i ka rënë për hise, shton ai.

“Kane kaluar vetem 11 ditet e para nga opozita e gjate 4 vjeçare qe na pret. Nga njera ane vazhdojne hartimet dhe deklaratat e gjata per kauza ne leter!

Nga ana tjeter, Rama ferkon duart dhe koken e Taos, si per shans mqs ishte deputeti me i votuar! Ne studio dalin goxha burra dhe gra qe mbrojne me zell humbjen e humbesve!

Ne facebook beteja kunder mendimit revizionist sapo ka filluar! Si perfundim, populli nuk ka kohe te prese dhe gjen alternativen e ikjes çdo dite dhe sheh hallin e tij. Medet per kete popull çfare politike mediokre i ka rene per hise!

Rrofte Partia dhe liderat suprem!”/CNA.al

LEXO TE PLOTE

Politikë

Pse sqaron Presidenti axhendën e datës 6 Maj dhe “harron” datën 5 Maj?

Publikuar

-

Nga

Pse sqaron Presidenti axhendën e datës 6 Maj dhe "harron" datën 5 Maj?

Presidenti i Republikës nxitoi të sqaronte sot pasdite axhendën e datës 6 Maj, e cila ia kishte bërë të pamundur lidhjen online me Komisionin e Ligjeve.

Ajo axhendë, edhe me sqarimet e Presidencës nuk parashihte impenjime presidenciale në orën 11:00, orë e cila ishte kërkuar nga Komisioni i Ligjeve për zhvillimin e seancës.

Në çdo rast, ditët e Majit janë të gjata, ndaj Presidenti mundet që në vend të këmbënguljes për datën 10 Maj, të kishte kërkuar një orar tjetër brenda datës 6 Maj.

Komisioni i Ligjeve do e kishte pranuar me siguri orarin e rishikuar nga Presidenti.

Por ajo që harron Presidenti është sqarimi për datën 5 Maj.

Seanca e datës 6 Maj e kërkuar nga Komisioni i Ligjeve, u detyrua për shkak se Presidenti në vend të lidhjes online me Komisionin e Ligjeve në seancën e njoftuar të datës 5 Maj, kërkoi kohë që të përgatitej për mbrojtjen dhe që në datën 5 Maj, insistoi tek data 10 Maj.

Komisioni i Ligjeve për këtë shkak shtyu me 1 ditë mbledhjen e vet.

Në këtë histori, Presidenti bën sikur harron që afati i fundit që ky Kuvend ka për ngritjen e një komisioni hetimor çfarëdo, është data 9 Maj.

Data 10 Maj dhe insistimi i Presidentit për atë datë ka lidhje vetëm dhe eksluzivisht me nevojën e Presidentit për shterimin e afateve ligjore për ngritjen e Komisionit Hetimor.

LEXO EDHE:  “Nevojë ulëritëse e shoqërisë për ndryshim”/ Patozi: Shqipëria duhet të shpëtojë nga kryetarokracia

LEXO EDHE:  Selami-Bashës: SHBA po të qëllon në ballë vetëm ty!  

Ka që prej ditës kur u depozitua kërkesa e 49 deputetëve për nisjen e procedurave së ngritjes së Komisionit Hetimor, që Presidenti shpërfaq mesazhe indiferentizmi ndaj asaj që po iniciohej në Kuvend, me shprehje të tipit: zero interes për lojrat e maxhorancës.

Mbase do ishte më dinjitoze për Presidentin, që të vazhdonte të bënte si i painteresuar, sesa ndryshimi që i bëri sjelljes, duke tentuar me lojra filloristësh, të bëjë sikur nuk e ka mendjen dhe sikur s’e ka parasysh që data 9 Maj është datë për të cilën nuk negociohet dot më.

Nuk dimë se çfarë hapësirash negociuese i di dhe njeh vetes sot Presidenti me maxhorancën në përgjithësi dhe Edi Ramën në veçanti, por data 9 Maj është çështje kalendari.

Dhe kalendari nuk ka shumë arsyetim kur vjen puna tek afatet./CNA.al

LEXO TE PLOTE

Politikë

Incidentet parazgjedhore në Elbasan dhe Kavajë/ Duma shigjeton policinë

Publikuar

-

Nga

Ish-deputetja e Partisë Demokratike Grida Duma ka folur mbi incidentet e ndodhura gjatë fushatës elektorale. Ajo shprehet se incidenti i ndodhur në Elbasan, ku truproja i Gazment Bardhit vrau Pjerin Xhuvani dhe plagosi katër të tjerë. Në një intervistë për Ilva Now, Duma u shpreh se kjo është një ngjarje e trishtë.

Ish deputetja demokrate foli edhe mbi ngjarjen e ndodhur në Kavajë ku dhe ishte drejtuese politike e kësaj partie. Ajo shigjetoi mazhorancën se ka infiltruar policë bashkiakë për të nxitur dhunë para zgjedhjeve.

“Po ta them me shumë sinqeritet, nëse Bledit (të plagosurit) do t’i kishte ndodhur gjë me jetën, unë nuk e di se si mund të vazhdoheshin zgjedhjet. Është e vështirë shumë të humbësh një anëtar të partisë, sekretar apo një djalë të mirë. Kjo është një ngjarje shumë e keqe. Kam shumë për të thënë për forcat e policisë. Unë isha aty në rastin e plagosjes. Sa më thanë nuk e besova dhe thash mos po e ekzagjerojnë. Shkova direkt, as 6 minuta nuk jam vonuar dhe shikoj policinë që po e rrethonte.

E gjithë policia ishte e ngrirë pasi në ngjarje kishin marrë pjesë Drejtori i Policisë Bashkiake me një polic tjerë bashkë me një biznesmen që rrinte me kryetarin e bashkisë. Ata nuk dinin si të vepronin, ishin të pavendosur dhe të paqartë. Dy policët janë me arrest shtëpie. Pas një ore që unë vazhdoja të qëndroja aty, në moment të fundit deshën të hiqnin edhe kordonin e policisë për të mos e quajtur skenë krimi. E di ti që ai djali që plagosi është dënuar për armëmbajtje pa leje. Më thuaj çfarë të themi. Ai ka plagosur një njëri edhe ai është kapur për armëmbajtje pa leje. Nëse policia është në këtë gjendje dhe organet e drejtësisë janë në këtë gjendje ne duhet të vëmë alarmin”, u shpreh Duma./CNA.al

 

LEXO TE PLOTE