web counter
LEXO PA REKLAMA!

SHKARKO APP

App Store
Google Play

Gjykata Kushtetuese/ Ambasadorja Kim ‘zë ngushtë’ Metën: Malsorët e mbajnë fjalën

10 Dhjetor 2020, 18:17, Politikë CNA

Ambasadorja e SHBA-së në vendin tonë, Yuri Kim në një intervistë për VOA, ka folur për ndërtimin e Gjykatës Kushtetuese dhe nëse do të jetë funksionale deri më 31 dhjetor.

Kim u shpreh se nuk ka arsye praktike që të mos jetë e mundur të kemi një Gjykatë Kushtetuese funksionale deri më këtë datë.

Yuri Kim tha se kishte fjalën e Kryetarit të Kuvendit dhe Presidentit dhe si malësor, pret që Meta ta mbajë flajën.

“Mund t?ju them këtë. Kam fjalën e Kryetarit të Kuvendit dhe kam fjalën e Presidentit të Republikës. Ky President ka qëlluar të jetë një bashkë-malësor. Edhe ai edhe unë jemi nga mali dhe, kur një malësor të jep fjalën që ka vullnetin politik dhe se është serioz për reformën në drejtësi sa më shpejt që të jetë e mundur, nuk më duhet gjë tjetër më shumë se kaq. Prandaj, po, besoj që do të kemi Gjykatën kushtetuese deri më 31 dhjetor”,- tha Kim.

Ambasadorja e SHBA-së iu është përgjigjur edhe kritikëve ndaj Vettingut, se nuk po ecin me shpejtësinë e duhur.

“Mendoj se çdo reformë e madhe si kjo, sidomos kur ka të bëjë me karrierat dhe reputacionet e njerëzve, gjithmonë i nënshtrohet kritikave. Ekziston një proces për t?i trajtuar ato nëpërmjet apelimeve dhe mendoj se është ndërtuar në mënyrë të tillë ndaj, nuk jam e shqetësuar.

Jam pak e shqetësuar që duhet të kompensojmë kohën dhe të zëvendësojmë ata që janë larguar sa më shpejt që të mundet. Prandaj i shihni Shtetet e BAshkuara, por edhe BE-në dhe qeveri të tjera si dhe OJQ që përqendrohen kaq shumë që të futen njerëzit në Shkollën e Magjistraturës për t?u trajnuar, qoftë online apo fizikisht, në disa raste, por aty jemi të përqendruar. Jemi të përqendruar tek rruga përpara”,- u shpreh Kim.





Lajmet e fundit nga