Nuk ka të sosur skandali/ Shtyhet leja për incineratorin e Fierit

4 Dhjetor 2020, 18:40, Politikë CNA

Incineratorët janë një ndër aferat më të denoncuara të qeverisë dhe CNA.al prej kohësh ka publikuar me fakte dhe dokumenta se kush qëndron pas tyre dhe si po grabiten paratë e shqiptarëve.

Akuza të pafundme janë hedhur në lidhje me një grup biznesmenësh dhe qeverinë shqiptare për përpunimin e mbetjeve, e cila fillon në Elbasan, shkon në Fier dhe përfundon në Tiranë.

Sot duam të ndalemi pikërisht te incineratori i Fierit, i cili praktikisht është bërë një zhvatës parash publike dhe nuk po përfundon.

Mësohet se Këshilli Kombëtar i Territorit ka miratuar ditën e djeshme shtyrjen e lejes për ndërtimin e incineratorit të Fierit.

Ndonëse kryeministri Edi Rama tha se incineratori i Fierit do të ndërtohet në dhjetor të këtij viti, leja po shtyhet.

CNA.al ka sjellë një dosje të plotë denoncimesh për incineratorin e Fierit, i cili është dhënë me koncesion nga qeveria shqiptare sipas një marrëveshje, të firmosur nga ministri Lefter Koka në tetor të vitit 2016, me kompaninë e quajtur Integreted Technology Waste Treatment Fier.

Kjo kompani ka pasur dy aksionerë, ku i pari është Integreted Technology Service, që ne e kemi sjellë me dokumente në shkrimin e parë, e cila ka 70% të aksioneve, ku ka qënë aksioner i vetëm Klodian Zoto, por nga ana tjetër në koncesionin e incineratorit të Fierit shfaqet dhe shtetasi italian, Ernesto Graneli.

Ky është personi, i cili ka firmosur gjithashtu një kontratë garancie me çelësa në dorë, për ndërtimin e incineratorit të Elbasanit dhe shfaqet aksioner me 30% në momentin e firmosjes së kontratëts në Ministrinë e Mjedisit me ministrin e asaj kohe, Lefter Koka, si bashkëpronar me Klodian Zoton.

Më pas, pas një periudhe kohe, këto 30% të aksioneve i shiten kompanisë ?Ndërtim Montim Patos?, e cila ble për një shumë të caktuar përqindjen e aksioneve të Ernesto Granelit, i cili në këtë koncesion, pra atë të incineratorit të Fierit, përfaqëson një kompani italiane, Energy 2 s.r.l, regjistruar sipas legjislacionit Italian në fuqi, në adresën Carpenedo, (BS(, Via Colombo 27 CAP 25013, me përfaqësues ligjor z.Ernesto Granelli, si ortak i shoqërisë Integrated Technology Ëaste Treatment Fier.

Incineratori që atëherë dhe deri sot nuk është ndërtuar ende. Pra, një kompanie të rregjistruar në tetor të 2016-ës, e cila ka marrë koncesionin dhe më pas ka bërë disa ndryshime në pronësi, i janë paguar para nga qeveria, nga taksat e shqiptarëve, ndërkohë që nuk është kryer ende ndërtimi i incineratorit. Megjithëse justifikimi ka qënë shpesh herë përplasje me banorët e zonës apo akuzat e opozitës.

Në media janë hapur një sërë debatesh për këtë skandal, ndërsa opozita ka denoncuar se në Fier nuk ka asnjë incinerator, por kjo nuk e ka ndaluar qeverinë t?i japë miliona euro nga taksat e shqiptarëve./ CNA.al

Skandali me Inceneratorin e Fierit/ Skema mafioze, 23 milionë euro për vetëm një gërmadhe

Dokumentet ekskluzive-Skandali me inceneratorin e Fierit/ Si u zhvatën dhjetëra milion euro nga taksat e shqiptarëve

Thellohet skandali me inceneratorin e Fierit/ Faktet, ?këmbanë alarmi? për SPAK

Skandali i inceneratorit të Fierit/ Ministria e Financave e pranon: Nuk u përmbushën pikat e kontratës

Skandali/ 78 milionë euro për inceneratorë që nuk ekzistojnë

?Skemë mafioze e zhvatjes së parave?/ Basha publikon faktin tronditës për inceneratorin e Fierit