web counter
LEXO PA REKLAMA!

SHKARKO APP

App Store
Google Play

“Adem Jashari burim frymëzimi”/ Belind Këlliçi homazhe në Prekaz

28 Nëntor 2020, 11:06, Aktualitet CNA

Kryetari i FRPD-së, Belind Kelliçi ka përkujtuar ditëlindjen e heroit Adem Jashari. Këllëçi ka zhvilluar një vizitë në Prekaz, ku ka bërë homazhe pranë familjes Jashari.

Këlliçi shprehet se familja Jashari është mishërimi i fjalëve “vetëmohim” dhe “atdhedashuri” ndërsa përkujton edhe Adem Jasharin për të cilin thotë se është burim frymëzimi për çdo shqiptar.

?Kam nderin e madh të jem sot në Prekaz, ku gjaku i familjes Jashari e kuqi flamurin kombëtar nga etja për liri.
56 anëtarë të familjes Jashari luftuan tri ditë e net derisa ranë heroikisht; burra, gra dhe fëmijë nga mosha 5 deri 74 vjeç. Të gjithë sa u gjendën në kullat e Jasharajve luftuan deri ne vdekje. Familja Jashari është mishërimi i fjalëve “vetëmohim” dhe “atdhedashuri”.
Sot Adem Jashari do të kishte 65-vjetorin e lindjes. Ai nuk festoi kurrë ditëlindjen e tij pa uruar fillimisht ditëlindjen e kombit shqiptar.
Në vitin 1997, po më 28 nëntor, lindi Ushtria Çlirimtare e Kosovës, e cila do të njihej botërisht si rezistenca popullore që i qëndroi ballëhapur zgjedhës së huaj në Kosovë. Ditëlindja e UÇK-së dhe e heroit të saj legjendar Adem Jashari janë burim frymëzimi për çdo shqiptar.

I përjetshëm qoftë në jetë të jetëve kujtimi dhe sakrifica e familjes dëshmore Jashari! I përjetshëm qoftë emri i Adem Jasharit! Lavdi Ushtrisë Çlirimtare të Kosovës dhe Dëshmorëve të Kombit!
Mirënjohje të përjetshme veteranëve të UÇK-së që luftuan për flamurin, për Kosovën, për shqiptarinë
Se Zoti vetë e tha me gojë
Që kombe shuhen përmbi dhe,
Po Shqipëria do të rrojë;
Për të, për të luftojmë ne!?, shkruan Këlliçi./CNA.al





Lajmet e fundit nga