web counter
LEXO PA REKLAMA!

SHKARKO APP

App Store
Google Play

E fundit!

x

Akuzat për çështjen e “Shtëpisë së Verdhë”/ Berisha demaskon Ramën: Tre arsyet që e nxjerrin zbuluar

11 Nëntor 2020, 21:04, Politikë CNA

Ish kryeministri Sali Berisha, ka komentuar sonte në ?Debat Plus”, RTv Dukagjini, aktakuzat ndaj ish-presidentit Thaçi, Veselit, Selimit dhe Krasniqi për krime lufte.

Berisha tha se paraqitja e tyre para Gjykatës së Hagës ishte dinjitoze duke hedhur poshtë akuzat.

?Mendoj se si praraqitje ata janë paraqitu në mënyrë shumë dinjitoze . Refuzuan ose hodhën poshtë akuzat, dëshmuan para gjykatës se ata kanë qenë luftëtar të lirisë, dhe jo organizatë kriminale.

Berisha foli gjithashtu për  akuzat se Lulzim Basha është i përfshirë në çështjen e ?Shtëpisë së Verdhë?.?

“Këto janë sulme primitive të një halabaku politik që nuk ka nder, nuk ka moral, dhe që është kryekëput në shërbim të Beogradit.

Së pari, Edvin Kristaq Zografi, argat i Beogradit në Tiranë , që ish presidenti i Kosovës, ish-kryetarët e Parlamentit të Kosovës, ish-ministra u ulën me hekura në sallën e gjyqit, firmosi marëveshjen me Gebelsin e Millosheviçit, presidenti i Serbisë Aleksandër Vuçiç, i cili në mënyrë absolute, qëndron prapa raporti të Dik Martit.

Së dyti, shqiptarët duhte ta dinë se njeriu që i ka vendos çelsat e artë Bregoviçit, kur akoma qindra mijëra familje i kishin akoma të lagura me gjakun e fëmijëve të tyre rrobat për çlirimin e Kosovës, ky njëri pikërisht atë ditë lëshoi një akuzë monstruoze .

Pse e lëshoi atë akuzë! Për tu thënë shqiptarëve që nuk është Vuçiçi ai që ka hartuar dosjen por është Lulzim Basha, shqiptari i vetëm në dijeninë time që ka marrë pjesë në hartimin e dosjes së Slobodan Millosheviçit.

Ai e lëshoi këtë akuzë, me qëllimin për të zhurmuar aktin e tij të turpshëm, thikën që i futi pas shpine Kosovës në ditën më të vështirë të saj siç ishte hapja e seancës gjyqsore ndaj ish drejtuesve të Kosovës dhe të UÇK.

Së treti, për ju, për të gjithë shqiptarët, e vërteta absolute është se gjithçka bazohet në një trillim, një gazetë e Gjenevës, publikoi shumë vite më parë një intervitë me një ekspert të OKB që ka punuar në Kosovë, sikur ky zotria ka thënë se me Lulzim Bashën, kemi qenë sëbashku tek shtëpia e verdhë. Ky zotëria  që është fare i njohur se kush është, vetëm një javë më pas ka dhënë intervistë në shtypin shqiptar në të cilin ai ka thënë se kurrë si kam thënë gazetës se kam qenë me Lulzim Bashën, tek shtëpia e verdhë.

Këto inte dhe argati i Beogradit në Tiranë, por atij i leverdiste të hidhte baltë dhe të pastronte ftyrën e vet dhe të Vuçicit?, tha Berisha./CNA.al





Lajmet e fundit nga