web counter
LEXO PA REKLAMA!

SHKARKO APP

App Store
Google Play

E fundit!

x

Besart Kadia si emërim i parë i qeverisë Rama-Basha

11 Nëntor 2020, 17:29, Politikë CNA

Sot CNA.al raportoi menjëherë pas mbledhjes së qeverisë se kryeministri Edi Rama kishte emëruar ekonomistin Besart Kadia, i cili mbante edhe detyrën e sekretarit për Sipërmarrjen e Lirë dhe është zgjedhur anëtar i Këshillit Kombëtar i PD dhe tashmë do të ishte edhe zëvendës ministër i Financave dhe Ekonomisë në qeverinë Rama.

Në fakt ky lajm nuk ka pse të habisë askënd, nuk ka pse të mërzisë askënd, të tërfullojë apo turbullojë militantët, të cilët mund të shprehin hatërmbetje apo ta quajnë tradhtar.

Besart Kadia në fakt është emërimi i parë i qeverisë së ardhshme Rama-Basha, asaj që vërtet dhe jo vetëm Basha, por ndoshta do të detyrohet ta bëjë edhe Rama ashtu siç ranë dakord edhe në 2017-ën për të qeverisur së bashku, por nuk mundën pasi Rama mori vetëm 74 mandate.

Është e sigurt dhe e provuar. Qeveria Rama-Basha funksionon pasi e pamë për disa muaj në vitin 2017, me një kabinet ku kryesisht ishin njerëz teknicienë, por mund të thuhet që ishte një sprovë e parë.

Tashmë vjen dhe një sinjal i dytë, atë që CNA.al e ka thënë gjithmonë, Rama dhe Basha janë bashkë, kanë qenë bashkë dhe do të jenë bashkë, askush të mos ketë iluzion se ajo që po ndodh është një luftë politike. Ajo është një fasadë, është një show. Ata janë bashkë! Sherri është kush do të jetë dyshi, pra kush është i dyti mes Ramës dhe Lulzim Bashës, pasi PS mund të dalë sërish forcë e parë dhe mund të fitojë prap pushtetin, nëqoftëse nuk do të mundet të qeverisë e vetme do të marë Lulzim Bashën, kjo nuk diskutohet.

Gjithsesi, sot emërimi i Besart Kadisë, e theksoj sërish nuk ka pse habit askënd. Sekretari për Sipërmarrjen e Lirë i emëruar nga Lulzim Basha, një i ri që u quajt prurje e re në PD nga Lulzim Basha, i studiuar në Angli, ai është një nga pedagogët e UET, një person i mbështetur dhe suportuar fort nga Henri Çili dhe i vendosur në PD në krah të Lulzim Bashës, por mesa duket pas gati 6-7 vjetësh i është më i qartë se kurrë të kuptojë se Edi Rama është me Lulzim Bashën dhe do të ishte më mirë që ky të ishte hapi i tij i parë për një qeveri të nesërme, ku Lulzim Basha do të jetë në bashkëqeverisje me Edi Ramën.

Besart Kadia është zëvendës ministër i Financave sot në qeverinë Edi Rama, por një socialist tjetër po rri rezervë dhe po pret të marrë një detyrë. Ai është Dritan Shano, ish-zv.ministër i Fatos Nanos që ndodhet në krah të Lulim Bashës.

Pra, kryqëzimet e ish-ministrave, ish-zv.ministrave dhe personazheve politike që do ta çojnë qeverinë Rama?Basha janë aty dhe nuk ka pse habit askënd. Ajo që ngelet për t?u parë është kur do ta urojë Lulzim Basha Besart Kadinë dhe kush do të jetë mesazhi përshëndetës i Ramës pas reagimit të Lulit.

Vetëm kjo është ajo që nuk dihet se do qeverisin bashkë dhe e kanë njëri-tjetrin në krah, kjo nuk ka më asnjë dyshim./ CNA.al

E bujshme/ Rama emëron zv.ministër sekretarin e Bashës

Kush është sekretari i Bashës që u emërua zv.ministër nga Rama

Rama e emëroi zv.ministër/ Kadia mesazh për Bashën: Ja pse pranova ofertën





Lajmet e fundit nga