web counter
LEXO PA REKLAMA!

SHKARKO APP

App Store
Google Play

E fundit!

x

Pse po ikin të gjithë nga Basha/ Dy histori në një kohë

11 Nëntor 2020, 18:17, Politikë CNA

Lajmi i fundit është sa për të qeshur aq edhe për të qarë për partinë e Luli Bashës.

Një nga sekretarët e PD-së dhe anëtar i Këshillit Kombëtar të PD-së, sot u emërua zëvendës/ministër i Ekonomisë dhe Financave në qeverinë Rama2.

Në gjashtëmujorin e fundit të mandatit të dytë qeverisës të Ramës, një prej anëtarëve ende të zgjedhur nga Basha në Këshillin Kombëtar të PD-së dhe ende me letra sekretar për sipërmarrjen në PD, emërohet funksionar i lartë politik në qeverinë e Ramës.

Nuk ka ngjarje më për të qeshur sesa kjo më Kryetarucin Basha, që llomotit për fitore të opozitës në 25 Prill 2021.

Një funksionar me letra të pagrisura në PD, emërohet nga Edi Rama me firmë e vulë si zëvendësministër i tij.

Nuk duam ti vemi pas me analizet tone, faktit se sa politik eshte xhesti i pranimit nga zyrtari i Bashes, i nje funksioni politik si zyrtar i Rames.Nga PD-ja në qeverinë e PS, Besart Kadia emërohet zv.ministër i Financave - Politikë

Nuk duam ti vemi pas as teorive për nevojën e të njëjtit për të dhënë kontribut kudo ku ka nevojë atdheu, pa dallim ngjyrash partiake. Kjo pasi sipas nesh, rreshtimi politik është angazhim i rëndësishëm ndaj kërkon më shumë sesa thjesht dashuri për Atdheun.

Ajo që mbetet, është tallja e madhe e Ramës me zyrtarët aktivë të Bashës.

Jo më larg se 2 muaj më parë, Luli Basha skualifikoi nga gara për komisioner zgjedhjesh, Ilir Rusmalin. Ish-zyrtar i lartë i PD-së! Me funksione të rëndësishme në PD, në opozitën që u nis drejt pushtetit në 2005 dhe në 8 vitet e saj në pushtet.

Sot Rusmali është emëruar anëtar i KAS. Sipas burimeve të CNA.al, emërimi i Rusmalit në KAS është rezultat i negociatave brenda grupeve parlamentare. Të mbetur pa asnjë përfaqësim në piramidën e re të KQZ, për shkak të pushtimit të kuotave opozitare të asaj piramide nga PD dhe LSI, partitë  opozitare brenda parlamentit duket se do të kenë një përfaqësues të drejtpërdrejtë të tyrin në KAS.

Rusmali duket se gëzon besimin edhe nga partitë e reja që po lindin, për shkak të njohjes së vjetër në politikë me Topallin, Patozin, Murrizin etj.

Ajo që po ndodh nuk është e rastësishme!

Asgjë nuk ndodh rastësisht në politikë, aq më pak në këtë real-politikën shqiptare.

Luli Basha dje skualifikon njeë ish -zyrtar të PD, që emrin e vet e rriti sa kohë militoi në PD, ndërsa nuk pati kurrë dilema në mbrojtjen e ngjyrave politike blu. Me letra të grisura nga PD, Rusmali me kandidimin për komisioner, dhe kartat e veta morale vuri përpara faktit të kryer PD-në që ajo të fliste publikisht. PD-ja foli duke e skualifikuar dhe duke lënë në garë, kandidatin e PS-së dhe ish -zyrtarin e kartës të PS.

Nuk është rastësi që sot PD-së i ikën pa lajmërim një zyrtar, qe nuk pati kohë as të bëhej “ish”. Dhe nuk i iku për të zbuluar pavarësinë në emër të dashurisë për Atdheun.

Por u rreshtua politikisht në kampin mavi, tamam në ditën kur Luli Basha beson te fitorja në datë 25 Prill. Zyrtari i Bashës iku pa marrë me vete as letrat e firmosura për postet e tij në PD-në e Bashës.

Këto janë shembujt dhe leksionet që vijnë sot për demokratët nga partiçka e Luli Bashës.

Ndaj sot thirrja e Jozefina Topallit është më e bukur se kurrë!

Të gjithë të zhgënjyerit, të gënjyerit dhe të tradhëtuarit nga Basha, sot kanë ku ta gjejnë kutinë e votimit që ju afron rrëzimin e Ramës.

Historia e sekretarit në detyrë te PD dhe e ish-zyrtarit të lartë të PD, është histori që bën për të qarë për atë se si e katandisi PD-në Luli Basha.

Demokratët nuk kanë pse dekurajohen nga gjithë sa kanë parë e dëgjuar.

Vota e tyre nuk duhet të shkoje kot.

Ajo vote duhet të nisë rrugën drejt kutive të votimit. Vetëm ashtu rrezohet Rama.

Jo për Luli Bashën! Por për ata që janë opozita e vërtetë dhe e pakorruptuar./CNA.al

Besart Kadia si emërim i parë i qeverisë Rama-Basha

E bujshme/ Rama emëron zv.ministër sekretarin e Bashës

Kush është sekretari i Bashës që u emërua zv.ministër nga Rama

Bylykbashi më i ndëshkuari në Durrës/ Skualifikoi Rusmalin nga gara për Komisioner

 

 





Lajmet e fundit nga