web counter
LEXO PA REKLAMA!

SHKARKO APP

App Store
Google Play

E fundit!

x

VIDEO/ Dopio Ronaldo, Juventusi u kthehet fitoreve. Përmbysje e pabesueshme e Lacios

1 Nëntor 2020, 16:45, Sport CNA

Ndeshjet e pasdites në Serinë A kanë parë kthimin te fitoret të Juventusit, i cili me Kristiano Ronaldon në fushë është plotësisht ndryshe. Skuadra bardhezi ka mundur sot Specian me rezultatin 4-1, falë portugezit i cili bërui diferencën sapo u fut në fushën e lojës.

Pirlo e nisi ndeshjen me Ronaldon në stol, por në fraksionin e dytë të lojës u detyrua ta aktivizonte, duke parë se ekipi i tij nuk po thyente dot barazinë në shifra, të vulosur në 1-1 që në pjesën e parë. Ronaldo hyri në fushë në minutën e 56 dhe vetëm 3 minuta më vonë, tundi rrjetën kundërshtare duke kaluar në avantazh Juventusin. Më pas, ishte Rabio ai i cili thelloi shifrat, ndërsa në minutën e 76-të, përsëri Ronaldo tundi rrjetën, këtë herë me ?Panenka? pas një penalltie, duke vulosur fitoren 4-1 të skuadrës së tij që u ngjit përkohësisht në vendin e dytë në renditje.

Ndërkohë, hapa para në kalsifikim ka bërë edhe Lacio, e cila sot ka fituar me një përmbysje të pabesueshme që erdhi në shtesën e takimit përballë Torinos. Pereira i dha avantazhin Lacios, por më pas Bremer e Beloti kaluan përpara Torinon. Milinkoviç-Saviç barazoi shifrat në pjesën e tyre të duelit, kurse Lukiç shënoi në minutën e 87 atë që mendohej se do të ishte goli i fitores për ekipin vendas.

Megjithatë, Lacio nuk u dorëzua dhe me anë të Imobiles barazoi rezultatin kur regjistrohej minuta e 95-të e kësaj ndeshje, kurse në të 98-ën ishte Kaisedo ai i cili shënoi atë që ishte goli i fitores me përmbysje të lacialëve.





Lajmet e fundit nga