web counter
LEXO PA REKLAMA!

SHKARKO APP

App Store
Google Play

E fundit!

x

VIDEO/ Karton i kuq, gola dhe shumë zëvendësime. Kombëtarja Shpresa dhe Tirana dhurojnë spektakël në miqësore

10 Tetor 2020, 16:49, Sport CNA

Është mbyllur në barazim 1-1 miqësorja mes Kombëtares Shpresa të drejtuar nga Alban Bushi dhe Tiranës. Bardheblutë e mbyllën pjesën e parë në avantazh falë golit të realizuar nga Sasraku, ndërkohë që kuqezinjtë, vendosën baraspeshën në të dytë me Bullarin, i cili u tregua i saktë nga pika e bardhë e penalltisë.

Edhe pse me 1 futbollist më pak, pas daljes me karton të kuq të Selmanit në minutën e 37-të, Kombëtarja U-21, kishte rastin e artë në fundin e ndeshjes për të përmbysur rezultatin, me anë të Muçollit, i cili doli i vetëm përball Likës, por u ndal nga gardiani i kampionëve të Shqipërisë.

FT: SHQIPËRI U21 VS TIRANA 1-1

Bullari 70? (p)/ Sasraku 44? 

RASTET: 

90+2? Rasti i humbur në fundin e ndeshjes nga Muçolli. Gjuajtja e futbollistit kuqezi u ndal në mënyrë mjeshtërore nga portieri Ilion Lika.

70? GOL SHQIPËRIA 1-1/ Bullari realizon nga pika e bardhe e panelltisë duke mposhtur Ilion Likën.


69? Musai ndërhyn në mënyrë të gabuar ndaj Ndreckës, gjyqtari Juxhin Xhaja akordon 11-metërsh për Kombëtaren Shpresa.

44? GOL TIRANA 1-0/ Hezitim në mbrojtjen kuqezi për të larguar topin, Sasraku përfiton brenda zonës, duke mposhtur portierin Harizaj. Në avantazh bardheblutë e Egbosë!

37? Selmani ndëshkohet me karton të dytë të verdhë për ndërhyrje të gabuar ndaj Sasrakut jashtë zonës! Gjyqtari Xhaja nuk e fal duke e larguar nga fusha! Shpresat me 10 lojtarë.

16? Rast i artë për Shpresat e Alban Bushit. Pas një harkim nga e majta, mbrojtësi Selmani, shumë pranë vijës fatale, nuk ka arritur të shtyjë dot topin drejt rrjetës, duke shpërdoruar një mundësi mjaft të mirë.

 





Lajmet e fundit nga