web counter
LEXO PA REKLAMA!

SHKARKO APP

App Store
Google Play

"E përjashtuan nga ushtria"/ Trump i kujton Biden ngjarjen “e shëmtuar” me të birin

30 Shtator 2020, 07:53, Politikë CNA

Debati presidencial mes Trump dhe Biden I kaloi limitet e një debate të thjeshtë dhe degradoi deri në cënimin e familjes ose në ulje të figurës së tyre me sharje.

Biden i tha Trump se ai ishte presidenti më i keq që ka pasur ndonjëherë Amerika.

Në një pikë tjetër, duke qenë se Trump e ndërpriste vazhdimisht,  Z. Biden tha: “Shumë e vështirë të thuash ndonjë fjalë me këtë klloun. Më falni, këtë njeri”.

Ai gjithashtu e quajti presidentin “këlyshi i Putinit” në lidhje me presidentin e Rusisë.

Më pas debate degradoi kur çështje të  familjes u futën në mes.

Biden tregoi se Trump kishte quajtur dikur anëtarët e ushtrisë “humbës”, por kjo gjë u mohua nga Trump.

Demokrati foli për djalin e tij të ndjerë, Beau, i cili shërbeu në Irak. “Ai nuk ishte një humbës, ai ishte një patriot!” tha Z. Biden me inat.Trump përmendi djalin tjetër të Demokratit: “Me të vërtetë? A po flisni për Hunter?”

“Unë jam duke folur për djalin tim, Beau Biden!” tha Biden.

“Unë nuk e njoh Beau,” tha Z. Trump. “Unë e njoh Hunter. Hunter u përjashtua nga ushtria. U shkarkua për shkak të përdorimit të kokainës. Dhe ai nuk kishte një punë derisa ju u bëtë nënkryetar.”

Biden iu kundërvu Trumpit dhe tha: “Djali im, si shumë njerëz, si shumë njerëz që njihni, kishte një problem droge”./CNA.al

 





Lajmet e fundit nga